კითხვა-პასუხი - პირჯვრისწერისა და კურთხევის შესახებ 6 - oldorthodox

საღვთისმეტყველო დისპუტი ფორუმ www.church.ge-ზე

ძველმართლმადიდებლებსა და გაბატონებული ეკლესიის მიმდევრებს შორის

პირჯვრისწერისა და კურთხევის შესახებ

"როცა უსჯულოს ვეტყვი: სიკვდილით მოკვდები-მეთქი, შენ კი არ გააფრთხილებ მას და არაფერს ეტყვი უსჯულოს ბოროტი გზიდან ჩამოსაშორებლად, რომ გადარჩეს, მოკვდება უსჯულო იგი თავის უკეთურებაში და მის სისხლს შენ მოგკითხავ.

ხოლო თუ შენ გააფრთხილებ უსჯულოს და არ მოიქცევა თავისი უსჯულოებისაგან და ბოროტი გზიდან, თავის უსჯულოებაში მოკვდება, შენ კი გადარჩენილი გყავს შენი თავი".

ეზეკიელი 3:18-19

ამ რამოდენიმე ხნის წინათ, ინტერნეტში, ვებ-ფორუმების მეშვეობით გაიმართა დისპუტი ძველმართლმადიდებელ ქრისტეანებსა და ოფიციალური ეკლესიის წევრებს შორის. ძველმართლმადიდებელთა მხრიდან დისპუტში მონაწილეობის მიზანი იყო სწორი და მართებული ინფორმაციის მიწოდება, როგორც ძველმართლმადიდებლობაზე (ზოგადად), ასევე კონკრეტულ საეკლესიო საკითხებზეც.

როგორც მოსალოდნელი იყო, ჩვენს ამ მცდელობას ობიექტურად განგვემარტა მთელი რიგი სადავო საკითხები ოფიციალურ, ე. წ. "მართლმადიდებელ" ეკლესიასა და ძველმართლმადიდებელთა შორის, მოჰყვა საკმაოდ მძაფრი რეაქცია გაბატონებული ეკლესიის ადეპტთა მხრიდან. დისპუტის პროცესში გამოიკვეთა საეკლესიო ფორუმების საერთო სტრატეგია, - ყოველგვარი საშუალებით ობსტრუქცია მოუწყონ იმ პირებს, რომლებიც ცდილობენ ამხილონ ოფიციალურ ეკლესიაში არსებულ დარღვევები და გადახრები.

იმისათვის, რათა ფართო საზოგადოებისთვის მისაწვდომი ყოფილიყო სხვადასხვა ფორუმში გამართული პოლემიკის მთელი შინაარსი და დახატულიყო ის სურათი, რაც ამ ფორუმებზე გამართული დისპუტით გამოიკვეთა, ჩვენი საიტის ადმინისტრაციამ გადაწყვიტა თავი მოეყარა ყველა ამ მასალისთვის და თემატური სახით შეეთავაზებინა ობიექტური მკითხველისთვის, რათა მან თავად განსაჯოს ვინ ვინ არის და რას ესწრაფვის.

დისპუტი ძირითადად წარმოებდა ფორუმებზე: www.church.ge; www.forum.archangels.ge და www.iveria-tv.ge/forum

ფორუმში, ძველმართლმადიდებელთა მხრიდან, მონაწილეობდა ორი პიროვნება: "ძველმართლმადიდებელი" (ფორუმზე chruc. ge) (ხოლო ფორუმებზე: forum.archangels.ge და iveria.tv.ge "odlbeliever"-ის ფსევდონიმით) და "Netvorc"-ი.

ოფიციალური ეკლესიის მხარდამჭერთა მხრიდან კი ძველმართლმადიდებელთა წინააღმდეგ გამოდიოდა მრავალი ადამიანი, რომელთა ნიკებს (ფსევდონიმებს) მკითხველი იხილავს თვით დისპუტის მასალებში, სადაც ფრჩხილებში მითითებულია ის ფორუმი, სადაც გაიმართა კონკრეტული დიალოგი და რომელშიც მონაწილეობდა კონკრეტული ფსევდონიმით გამომავალი ძველმართლმადიდებელთა ესა თუ ის ოპონენტი.

ოპონენტთა სტილსა და ლექსიკას ვტოვებთ ხელუხლებლად, ხოლო ჩვენი მხრიდან მონაწილეთა ტექსტებში შეგვაქვს უმნიშვნელო შესწორებები, რომლებიც არ არღვევენ დისპუტის შინაარსს. ძირითადად ტექსტები დავტოვეთ უცვლელად და არ მოვაცილეთ მას იმ დაძაბული ტონი, რომელიც ხშირად გააჩნდათ მოპაექრე მხარეებს, რათა მკითხველმა მთელი სიმძაფრით შეიგრძნოს მოცემულ საკითხებზე მოდავეთა განწყობა, განსახილველი საკითხებისადმი მიმართება და ის კრიტერიუმები, რითაც ისინი საკითხთა განხილვისას სარგებლობდნენ. ტექსტების განხილვისას მკითხველს ვთხოვთ გაითვალისწინოს, რომ დიალოგები ხშირად სწარმოებდა ონლაინ რეჟიმში, მოუმზადებლად, რის გამოც ორივე მხრიდან ბევრია გრამატიკული შეცდომები.

ცხადია, დისპუტები ინტერნეტ სივრცესა თუ პირდაპირ შეხვედრებზე, შესაძლოა მომავალშიც გაიმართოს, მაგრამ, ვფიქრობთ, რომ მომავალი დისპუტებისთვის ამ დიალოგებმა უკვე ჩაყარეს საფუძველი. არის თუ არა შესაძლებელი საუბრის გაგრძელება ამ ორ მხარეს შორის ამას მომავალი გვიჩვენებს. იმედს ვიტოვებთ, რომ ეს პირველი ეტაპი, რომელიც საკმაოდ დაძაბულად წარიმართა, გარკვეულწილად საფუძველს ჩაუყრის უფრო კონსტრუქციულ და მშვიდ დიალოგს.

დიალოგის მასალები საკმაოდ ვრცელია (აქ თანამიმდევრობით და თემატური შეთავსებით არის განთავსებული ზემოთდასახელებულ სამ ფორუმზე გამართული პოლემიკა), ამიტომაც, მკითხველს რომ გაუადვილდეს მხარეების ამოცნობა, შავი ფერის შრიფტით განვათავსეთ ძველმართლმადიდებელთა პასუხები, მოცისფრო შრიფტით ჩვენი ოპონენტების შრიფტი, ხოლო მოწითალო შრიფტით ის ციტატებია აღნიშნული, რომელთაც თავიანთ პასუხებში იყენებდნენ პოლემისტები

(ციტატა) (sopo...): ვერ გავიგე რისი თქმა გინდათ მარტო ასმუხლიანი კრებაა ავტორიტეტი და დანარჩენი არა?

ძველმართლმადიდებელი - ჩემი დაწერილიდან არანაირად არ გამომდინარებოდა დასკვნა, რომ "მარტო ასმუხლიანი კრებაა ავტორიტეტი და დანარჩენი არა". რუსეთში დანარჩენ კრებებს არ მიუღია პირჯვრისწერაზე რაიმე დადგენილება. აღმოსავლეთში ორი თითით პირჯვრისწერის გავრცელებაზე უკვე დავდე ისტორიული მოწმობები.

(ციტატა) (sopo...): რუსეთის ეკლესიის მიერ დადგენილი სამთითით პირჯვირსწერა არა? და კრება სწორედ ეკლესიის ხმაა სხვა არაფერი.

ძველმართლმადიდებელი - 1667 წლის კრებას თუ გულისხმობთ, რომელმაც ანათემას გადასცა ორი თითით პირჯვრისწერა და დაამტკიცა სამი თითი, არა თუ ავტორიტეტული არ არის, ეს არის ყაჩაღთა კრება, რადგან მას თავმჯდომარეობდა მწვალებელი და ეკლესიიდან მოკვეთილი ადამიანი, გალათინებული "მართლმადიდებელი", იეზუიტების აგენტი პაისი ლიგარიდი. ნიკონის რეფორმაში სხვა მწვალებლებიც მონაწილეობდნენ (ამის შესახებ შეგიძლიათ იხილოთ ბ. კუტუზოვის საინტერესო ნაშრომი: "XVII ს. საეკლესიო რეფორმა - ტრაგიკული გაუგებრობა თუ დივერსია" (http://www.oldorthodox.ge/ist_kutuzovi.html), ასევე სხვა ნაშრომები. იმედი მაქვს ამ თემაზე მოგვიანებით შევძლებ პოსტების დადებას.

(ციტატა) (sopo...): ეს წყარო იქნებ მოგვიყვანოთ რომ სამი თითის აღმოსაფხვრელად დააწესა?

ძველმართლმადიდებელი - საწყენად ნუ მიმიღებთ, მაგრამ შეკითხვები ძალიან გაუგებრად არის ჩამოყალიბებული, ამოცნობა მიწევს იმისა თუ რას შეიძლება გულისხმობდეთ. ასმუხლიანი კრების დადგენილება მიმართული იყო სამი თითით პირჯვრისწერის წინააღმდეგ. ეს საკმარისი არ არის? მე წარმოვადგინე ნიკოდიმოს მთაწმინდელის განმარტება "პიდალიონიდან" (ბერძნ. სჯულისკანონი, "მესაჭის წიგნი"), რომელიც ამბობს, რომ წმ. ბასილი დიდი თავის ხსენებულ ფრაზაში 91-ე კანონიდან ("მორწმუნეების მიერ ჯვრის გამოსახვა ჩვენი უფლის იესუ ქრისტეს სახელის მიმართ ვინ გვასწავლა ჩვენ წერით"), გულისხმობსო ორი თითით პირჯვრისწერას. ამ შემთხვევაში თქვენ მე კი არა, ნიკოდიმოს მთაწმინდელს ედავებით. თქვენ მომწერეთ: "ეს განმარტება თუ არ დაგეზარათ გაგვიზიარეთ? სამი თითით პირჯვრისწერაა დაგმობილი?"

თემებზე უნდა ვილაპარაკოთ თანმიმდევრობით. ამ კონკრეტულ შემთხვევაში სამი თითი არაფერ შუაშია, წყარო დავიმოწმე იმისთვის, რომ ნიკოდიმოს მთაწმინდელის აღიარებით, წმ. ბასილი დიდის დროს პირჯვარს იწერდნენ ორი თითით. ნუთუ ასე ძნელი იყო ამ ციტატიდან ამ აზრის გაგება?

(ციტატა) (sopo...): თქვენ თქვით რომ პირჯვრისწერისას ვერ გავიგებთ ვინ რა აზრს ჩადებს შიგნით ხომ ასეა? მე გიპასუხეთ რომ თუ ადამიანს ექნება განსხვავებული გულისთქმა მზაკვრულად კიარ დაიწყებს ჭკუათმყოფელი ამ ქვეაზრის ჩადებას არამედ მიიღებს რელიგიას რომელზეც ფიქრობს რომ სწორია.

ვერაფერი გავიგე. ყოველგვარი ხუმრობის გარეშე მინდა გკითხოთ: თქვენ წერისას ხომ არ ნერვიულობთ? დაწყნარდით, დამშვიდდით, ჩამოაყალიბეთ შეკითხვა, მერე გადაამოწმეთ, ან ვინმეს გადაამოწმებინეთ, ნახეთ გაიგო თუ არა რისი კითხვა გინდათ და მერე გამოუშვით....

წმ. ანნა კაშინსკაიაზე წერთ: "სხვა წყაროებში კი მოცემული რომ ხელი იყო მაკურთხებელი თუმცა გამოძიებამ ეს უარყო და გამოიწვია აზრთა სხვადასხვაობა და სიტუაციის გამწვავება".უნდა ვენდოთ მეცნიერთა ბოლო გამოკვლევებს. თქვენ დაიმოწმეთ პატრ. იოაკიმეს კომისიის დასკვნა, რომელიც იყო ტენდენციური. მე დაგიმოწმეთ თანამედროვე მეცნიერთა ბოლო გამოკვლევებიდან გაკეთებული დასკვნები.

მე ვწერდი: "ამრიგად, მოდი ჩვენს მოძღვრებს როცა აგინებენ თქვენი მოძღვრები არჩილ მინდიაშვილთან ერთად, იქნებ ურჩიოთ თავი შეიკავონ ამისგან. ვინ ვინ არის ამას ღმერთი გაარკვევს".

თქვენ მპასუხობთ: "არვიცი არვყოფილვარ მოწმე ასეთი გინების". ცხადია, სიტყვა "გინებაში" დედის გინება არ უნდა ვიგულისხმოთ, არამედ გმობა, კიცხევა, დაცინვა და ა. შ. არჩილ მინდიაშვილი ჩვენს ეკლესიას უწოდებს "სექტას", რომელიც თურმე, სხვა სექტებთან ერთად "უმეცრებისა და ამპარტავნების გამო გახშირდა ჩვენს სინამდვილეში" (ა. მინდიაშვილი. "მართლმადიდებლობის ზეიმი". თბილისი 1994 წ. გვ. 32). ასევე "ათეიზმის ხელშემწყობ ქრისტიანთა ქართველ შთამომავლებს", "ქართველ რუსოფილებს", ძველმართლმადიდებელთა წარმომადგენელ მღვდელმოწამე დეკანოზ ამბაკუმს, ნიკიტა დობრინინს და სხვა წამებულ ქრისტეანთ "განუსწავლელ და დაუმორჩილებელ სასულიერო პირებს". ამბაკუმს პირდაპირ უწოდებს "ცრუმოძღვარს", "ცრუწინასწარმეტყველს", უწოდებს მათ ასევე "თავხედებს და უმეცრებს", "რუსოფილური გონების" მატარებლებს (ციტ. იქვე. გვ. 67-79). აღსანიშნავია, რომ ამ ნაშრომში არჩილ მინდიაშვილი თვითონ ავლენს უმეცრებას მთელ რიგ საკითხებში და წერს ტყუილებს (თუ გსურთ შემიძლია განვიხილო).

ასე, რომ ცრუმოძღვარი ამბაკუმი კი არ არის, რომლის სიმართლე დღეს მზესავით გამობრწყინდა, არამედ თავად არჩილ მინდიაშვილი (არჩილ მინდიაშვილისადმი ძველმართლმადიდებელთა პასუხი იხილეთ აქ:

http://www.oldorthodox.ge/apl_narmania_pasuxi_mindiashvils.html

არჩილ მინდიაშვილის პირდაპირ მხილებასთან დაკავშირებით თქვენ მეკითხებით: "პირდაპირ როგორ? ისაუბრეთ მასთან? ან უფალი სად გვასწავლის მსგავს საქციელს ეს ვიკითხე". ადამიანთან, რომელიც სტალინის მეხოტბეა და მის აღორძინებას ელოდება, რა უნდა ვილაპარაკო? ღმერთმა უშველოს! რაც შეეხება დანარჩენს, სულაც არ არის სავალდებულო არჩილ მინდიაშვილთან მივიდე და პირდაპირ ველაპარაკო. თვითონ იკადრა როდესმე მოსვლა ჩვენთან და პირდაპირი ლაპარაკი? ჩვენ დისტანციურად ვლაპარაკობთ და არც არჩილ მინდიაშვილს და არც ვინმე სხვას ძველმართლმადიდებლობისა და მის წარმომადგენელთა ლანძღვას არ შევარჩენთ. პასუხგაუცემელს არ დავტოვებთ არცერთ სერიოზულ გამოხმაურებას.

არჩილ მინდიაშვილის პირდაპირ მხილებასთან დაკავშირებით თქვენ მეკითხებით: "პირდაპირ როგორ? ისაუბრეთ მასთან? ან უფალი სად გვასწავლის მსგავს საქციელს ეს ვიკითხე". ადამიანთან, რომელიც სტალინის მეხოტბეა და მის აღორძინებას ელოდება, რა უნდა ვილაპარაკო? ღმერთმა უშველოს! რაც შეეხება დანარჩენს, სულაც არ არის სავალდებულო არჩილ მინდიაშვილთან მივიდე და პირდაპირ ველაპარაკო. თვითონ იკადრა როდესმე მოსვლა ჩვენთან და პირდაპირი ლაპარაკი? ჩვენ დისტანციურად ვლაპარაკობთ და არც არჩილ მინდიაშვილს და არც ვინმე სხვას ძველმართლმადიდებლობისა და მის წარმომადგენელთა ლანძღვას არ შევარჩენთ. პასუხგაუცემელს არ დავტოვებთ არცერთ სერიოზულ გამოხმაურებას.

(ციტატა) (sopo...): როგორ განიხილავთ სხვისი სულიერი მანკიერების თუ ასეთად ხედავთ შეფასებას და მასზე დასკვნებს? ნუ ეს თუ არ გესმით რა ვქნა მე უძლური ვარ.

ძველმართლმადიდებელი - მეც უძლური ვარ თქვენი ნაწერის გაგებაში. ვერ ვხვდები რას წერთ. არჩილ მინდიაშვილს ხიბლში რომ ვამხელთ ამით მოვუწოდებთ მას თვითშეგნებისკენ, გადარჩენისკენ. ხოლო ვინც გუნდრუკს უკმევს მას ხიბლისმიერი ქადაგებებისთვის, წარსაწყმედელში აგდებს... მის ქადაგებებს ბევრი უსმენს და იწამლება... თქვენ დაგაეჭვათ ჩემს მიერ დამოწმებულმა სერაფიმე საროველის ციტატებმა და მომთხოვეთ წყაროები. დიდი სიამოვნებით გთავაზობთ მთელს ამონაწერს რუსულად წყაროდან: Литературная учеба. 1991 г. Январь-Фефраль. Книга первая. стр. 133-134). "Евреи и славяне суть два народа судеб Божиих, сосуды и свидетели Его, ковчеги нерушимые; прочие же все народы как бы слюна, которую извергает Господь из уст Своих" (იხ. აგრეთვე: http://ryibak.pravoverie.ru/node/85).

(ციტატა) (sopo...): "ამ კრებაზე გასაგებია რომ იყო ბერძნული გავლენა, თუმცა აქ ნათქვამია რომ განიხილებოდა საკითხი რომ შეესაბამებოდა თუ არა ეს რეფორმები მართლმადიდებლობას, და რადგან გადაწყვიტეს დადებითად, ანათემის მიზეზად გამოაცხადეს არა პირჯვრისწერა ორი თითით არამედ ეკლესიის კრების და იერარქთა დაუმორჩილებლობა, თუმცა იმ ფორმას დევნას არანარი გამართლება არ აქვს".

ძველმართლმადიდებელი - თქვენ არ წაგიკითხავთ 1667 წლის კრების დადენილებები. უნდა წაიკითხოდ და იქ ნახავთ როგორ გამოაცხადეს ძველი, მართლმადიდებლური გადმოცემები მწვალებლობად, დაგმეს და მის დამცველებს კი დევნა გამოუცხადეს. რასკოლის საკითხის ერთ-ერთი ყველაზე ავტორიტეტული მკვლევარი, მოსკოვის სასულიერო აკადემიის პროფესორი ნ.ფ. კაპტერევი კი წერდა: "მეფე ალექსიმ და პატრ. ნიკონმა, ასევე მათმა მემკვიდრეებმა და მიმდევრებმა დაიწყეს რუსულ ეკლესიაში ძველის სანაცვლოდ მანამდე უცნობი, ახალი წესებისა და ჩვეულებების, ახალი საღვთისმსახურებო წიგნებისა და წეს-განგებების დამკვიდრება; ეკლესიასთან, თვით რუსეთთან და რუს ხალხთან ახლებური მიმართების დაფუძნება. დაიწყეს იერარქიის, საეკლესიო საიდუმლოებების და ღვთისმოსაობის შესახებ ახალი შეხედულებების გადმონერგვა. ხოლო საეკლესიო მშვიდობას, წმ. მამათა განმარტებით, ის კი არ არღვევს ვინც იცავს ძველ სარწმუნოებასა და გადმოცემას, არამედ ის "ვისაც სიახლე შეაქვს ეკლესიაში, ვინც უკუაგდებს ძველ საეკლესიო ჩვეულებებს და ამკვიდრებს მათ საწინააღმდეგოს " ("ახალი სჯულის ფიცარი" 17:4,5. ციტ. "ლაზარეს აღდგინება" V. გვ. 33-34). ასე ბრძანებს კონსტანტინოპოლის პატრიარქი ღირ. მეთოდე აღმსარებელი (IX ს.) და ამის ჩამდენებს განდგომილებს უწოდებს.

ასე რომ, საეკლესიო მშვიდობა მე-17 ს. რუსეთში ძველი სარწმუნოებისა და ძველი გადმოცემების მცველებმა კი არ დაარღვიეს, არამედ ეკლესიაში სიახლეთა შემომტანმა ნიკონიანელმა რეფორმატორებმა, რომლებმაც ეს არ იკმარეს და მწვალებლობად სრულიად მართლმადიდებლური ძველი საეკლესიო წესები შერაცხეს.

თქვენ წერთ: "ანათემის მიზეზად გამოაცხადეს არა პირჯვრისწერა ორი თითით არამედ ეკლესიის კრების და იერარქთა დაუმორჩილებლობა". ჯერ ერთი, რომ ეს ცნობა არაზუსტია; მეორეც, ძველმორწმუნე მართლმადიდებელნი ყოველთვის ემორჩილებოდნენ მართლმადიდებელ საეკლესიო ხელისუფალთ, მაგრამ, როდესაც მათ, ნიკონ პატრიარქის მეთაურობით, დაიწყეს ძველი საეკლესიო წესების რღვევა, მწვალებლობად გამოცხადება და შეჩვენება, დიდი რჯულისკანონისა და წმ. მამათა მოთხოვნების თანახმად გაწყვიტეს ერთობა ძველ გადმოცემათა შეურაცხმყოფელ და საეკლესიო მშვიდობის დამარღვეველ იერარქებთან. რამეთუ, ქრისტეს ის კი არ უბრძანებია, მწვალებლებს და საეკლესიო გადმოცემათა უარმყოფელებს დაემორჩილეთო, არამედ, პირიქით, თავისი წმიდა მოციქულთა პირით გვამცნო, რომ მათ განვშორებოდით. ამასვე ბრძანებს კონსტანტინოპოლის ორგზისი კრების მე-13 და მე-15 კანონები და წმ. მოციქულთა 31-ე კანონის ბალსამონისეულ განმარტებაც.

მწვალებელთაგან განშორებას გვიბრძანებენ ცალკეული წმ. მამებიც: წმ. მ. ათანასე დიდი, იოანე ოქროპირი, კლიმენტი ალექსანდრიელი, იოანე დამასკელი და მრავალი სხვა. მეტიც, თუ დაუმორჩილებლობაზეა ლაპარაკი, ასეთად სწორედ გაბატონებული ნიკონიანურ-რეფორმატორული ეკლესია წარმოსდგება, რამეთუ სწორედ ის არ ეთანხმება და არ ემორჩილება ძველსა და ზოგადსაეკლესიო სწავლებას, ზოგადსაეკლესიო გადმოცემას; ამკვიდრებს სიახლეებს, უარყოფს და წყევლის ძველ საეკლესიო გადმოცემას და ეს მაშინ, როდესაც წმ. მოციქული პავლე თავის ეპისტოლეებში ყველას "გადმოცემების მტკიცედ პყრობას" უბრძანებს (შეად. 2 თესალონიკ. 2:15).

ნიკონიანელი რეფორმატორები დანაშაულად უთვლიან ძველმორწმუნე ქრისტეანებს ამგვარ ერთგულებას და ამკვიდრებენ საკუთარ "გადმოცემებს", რაც არც წმ. მამათაგან გვისწავლია და არც მოციქულთაგან. თუკი წმ. მოციქული პავლე გვაქებს იმისთვის, რომ "მისი ყველაფერი გვახსოვს და როგორც გადმოგვეცა ისე ვიმარხავთ გადმოცემას" (1 კორინთ. 11:2), ესენი გვაგინებენ, გვკიცხავენ და გვრაცხენ სქიზმატებად. იმ დროს, როდესაც წმ. მამები განდგომილებად და ცთომილების მემკვიდრეებად მიიჩნევენ ეკლესიაში "ძველი წესების უარმყოფელთ და მათ სანაცვლოდ ახლის დამამკვიდრებელთ", ნიკონიანელები პირიქით, ძველ საეკლესიო გადმოცემათა მიმდევართ მიიჩნევენ განდგომილებად და ცთომის მემკვიდრეებად.

მაშ, უნდა დამორჩილებოდნენ თუ არა ძველმორწმუნე ქრისტეანენი წმ. მოციქულთა და წმ. მამათა გადმოცემების უარმყოფელთ, დამარღვეველთ საეკლესიო ერთობისა და მშვიდობისა?

რა თქმა უნდა არა! რამეთუ ქრისტეს უწმიდესი მოციქული უფლის ჩვენის, იესუ ქრისტეს, სახელით გვამცნობს: "ძმანო, განეშორეთ ყველა ძმას, რომელიც უწესოდ იარება და არა იმ გადმოცემისამებრ, რაც შეითვისა ჩვენგან" (2 თესალონიკ. 3:6). და კიდევ: "ძმანო, მტკიცედ იდექით და იპყარით გადმოცემა, რომელიც გისწავლიათ სიტყვითა თუ ჩვენი წერილით" (2 თესალონი. 2:15). "ხოლო თუ ვინმე არ შეისმენს ამ ჩვენი წერილის სიტყვებს, დაიხსომეთ იგი და ნუღარ გაიკარებთ, რათა შერცხვენილ იქნას" (2 თესალონიკ. 3:14).

(ციტატა) (sopo...): ერთი თითით შეიცვალა ეკლესიის მიერ ორით და მერე ისევ ეკლესიის მიერ სამით, არ ეწინააღმდეგება მართლმადიდებლობას, და ვემორჩილებით, ვერ ვხედავ მიზეზს სხვაგვარად მოქცევის ასე ერთიდან ორზე არაფრის დიდებით არ უნდა გადავსულიყავით, ხელში გვიჭირავს ეკლესიის დადგენილება ორთითზე (1551 წლის კრება და დოგმატიკონი) და ეკლესია ცვლის თავის დაგენილებას და მისი პრეროგატივაცაა...

ძველმართლმადიდებელი - ეს ზღაპარი თითების წყობის განვითარებაზე, ერთ ერთ წინა პოსტში განვიხილე (დავდე ნაწყვეტი შრომიდან: "პირჯვრისწერის და კურთხევის შესახებ"), ამიტომ მეტად აღარ განვმეორდები. რაც შეეხება ეკლესიის დადგენილებების ცვლილებას, გააჩნია დადგენილებას. ეს საკმაოდ ვრცელი თემაა და აქ შეუძლებელია ამის განხილვა. მოკლედ კი ვიტყვი, რომ პირჯვრისწერის წესი ეკლესიას არასოდეს შეუცვლია. ის შეცვალეს მწვალებელმა ნიკონმა და მისმა ბერძენმა თანამოაზრეებმა.

(ციტატა) (sopo...): რა ვქნა არ მოიწყინო.. თავად აღარ გიფიქრია ეკლესიაში დაბრუნებაზე?

ძველმართლმადიდებელი - ღმერთმა დამიფაროს თქვენს ეკლესიაში დაბრუნება! ის ხომ ეკლესია არ არის! აბა, როგორ იქნება ეკლესია იქ, სადაც დაკარგულია ნათლისღების ჭეშმარიტი ფორმა - სამგზისი შთაფლვა და დამკვიდრებულია ლათინური წყალპკურება. ამის გამო არც თქვენ და არც თქვენი "მღვდლები" მონათლულებიც კი არ ხართ. აქედან, "მღვდლებს" არ გააჩნიათ ქიროტონია. სამღვდლო მარტო ტანისამოსიღა შერჩათ...

თქვენ მწერთ: "სიმართლე გითხრათ ჩემი აზრით ისტერიკა ორი თითის და მსგავს მიზეზთა გამო რადიკალური ზომების და ვაიუშველებელის ატეხვა და ეკლესიის დაუმორჩილებლობაა, ამბიონიდან ყველა მოწინააღმდეგის იქნებ ეს სასულიერო პირი თუ სხვა სულიერი მდგომარეობების შეფასებაა, - რომელსაც ვიცით რომ მარტო ღმერთი ხედავს, და წმინდანების მათი ცხოვრების უპატივცემულოდ მოხსენებაა, წმ მამის ციტატების მწვალებლურად გამოცხადება რომელსაც შეიძლება უბრალოდ ვერ ვიგებთ…"
ძველმართლმადიდებელი - ამ ციტატას უფრო დეტალური განხილვა სჭირდება:

(ციტატა) (sopo...): "სიმართლე გითხრათ ჩემი აზრით ისტერიკა ორი თითის და მსგავს მიზეზთა გამო რადიკალური ზომების და ვაიუშველებელის ატეხვა და ეკლესიის დაუმორჩილებლობაა".

ძველმართლმადიდებელი - ისტერია აღნიშნავს ფსიქოსომატურ მოშლილობას, რომელიც განეკუთვნება ნევროზთა კლასს. ისტერიას ახასიათებს დემონსტრატიული ემოციური რეაქციები (ცრემელბი, სიცილი, კივილი), კრუნჩხვები, პარალიჩი, შეგრძნებადობის დაკარგვა, სიყრუე, სიბრმავე, გონების დაბნელება და სხვა... თქვენი ისტერიულობა კარგად ჩანს თქვენს აბდაუბდა ნაწერში. ცხადად ჩანს, რომ წერის დროს გეუფლებათ მრისხანება და თავს ვერ იკავებთ. გარდა ამისა, თქვენი საპასუხო ბრალდება, თითქოსდა ისტერია ეს არის "ორი თითის და მსგავს მიზეზეთა გამო რადკალური ზომების და ვაიუშველებელის ატეხვა და ეკლესიის დაუმორჩილებლობა" ვერავითარ კრიტიკას ვერ უძლებს. ანახეთ ფსიქოთერაპევტს ან ფსიქიატრს თქვენი პასუხები და დარწმუნდებით, რომ სიმართლეს გეუბნებით.

რაც შეეხება ეკლესიურ პოზიციას ორი თითით პირჯვრისწერასთან დაკავშირებით, ორი თითის გამო "ვაიუშველებელი" ატეხეს წმიდა მამებმა. მაგალითები მე წინა პოსტებში უხვად დავიმოწმე. თანაც ისეთი "ვაიუშველებელი", რომ ანათემას გადასცეს ყველა ვინც ასე არ დაიწერდა პირჯვარს. თუ თქვენ პირჯვარს იწერთ სამი თითით, ექცევით მათი ანათემის ქვეშ და ხართ შეჩვენებული.

რაც შეეხება სამართლიანი პროტესტის მონათვლა "ეკლესიისადმი დაუმორჩილებლობად", რომელშიც თქვენ ძველმოწესეთა პროტესტს გულისხმობთ ნიკონის რეფორმების წინააღმდეგ, ალბათ არჩილ მინდიაშვლის მსგავსმა "მღვდლებმა "გასწავლეს. ამგვარი პროტესტებით სავსეა ეკლესიის ისტორია. თქვენ მე მაგონებთ იმ ტიპაჟს, რაც ჭაბუა ამირეჯიბის რომან "დათა თუთაშხიაში" არის აღწერილი, კერძოდ არქიფო სეთურის მონებს. ადამიანებს, რომლებიც თავიანთი "მამა და მარჩენალის" ნებისმიერ სისულელეს იჯერებენ, გონიერი კაცების შეგონებას კი არ ისმენენ და მზად არიან ჩაჰქოლონ ისინი სიმართლისთვის.

ძალიან სამწუხაროა! ეს არის ელემენტარული ისტერია და ფანატიზმი! ჩემი ლანძღვა და საპასუხო ისტერიული კივილი ვერ გიშველით...

(ციტატა) (sopo...): "და კიდევ გიკვირს შენიშვნები ამბიონზე მართლის პოზიციიდან გველაპარაკები შეცდომილებაში მყოფთ, იარლიყებს აწებებ მოძღვრებს თან ამბობ არ გესმის თავი რატომ უნდა შეიკავო, განკითხვის დღის თითების გამო გეშინია და განკითხვზე არ ფიქრობ აბა სხვა რა ქვია ამ საქციელს ? მარტო განკითხვა საკმარისია ჯოჯოხეთისთვის, ან ეს შეურაცხყოფა აღმსარებლის შენც არ მოგიყვანია ხატის სახით თუნდაც პირჯვრისწერა ყველა მაკურთხებელი ხელია, აღმსარებელმა კი მაკურთხებელი ხელის სხვა წყობა წარმოადგინა, ხატში კი ყოველთვის შინაარსია ჩადებული.."

ძველმართლმადიდებელი - ვინმემ თუ გაიგო რამე აქ ნათქვამიდან, ძალიან ვთხოვ გადმომითარგმნოს ეს ნორმალურ ქართულ ენაზე... იქნებ შევძლო პასუხის გაცემა. მარტო ერთი გავიგე, - განკითხვა და მხილება ერევა ერთმანეთში.

(ციტატა) (sopo...): ბოლო საუკუნის წმინდანები წმ ეგნტე ბრიანჩანინოვი, წმ ტიხონ ზადონელი, მამა გაბრიელი ყველა სამთითიანი წყობით იწერდა ხომ, და განკითხვის დღეს არ მგონია ეს ყოფილიყო დაბრკოლება...

ძველმართლმადიდებელი - არცერთი აქ ჩამოთვლილთაგანი ჩვენთვის წმინდანი არ არის. ესენი არიან "ნიკონიანელები". მათგან განსხვავებით, ძველი მამები პირჯვარს იწერდნენ ორი თითით. რაც შეეხება განკითხვის დღეს რა იქნება ეს ერთმა ღმერთმა იცის. ფორმულა დევს მართლმადიდებლური: "ვინცა ვინ არა დასწერდეს ჯუარსა, ვითარ ეგრე ქრისტეცა, შეჩუენება! " იწერეთ რამდენიც გინდათ პირჯვარი სამი თითით. ვინ გიშლით?

აი "დამიანეს" კი დაველაპარაკები სერიოზულად. დამიანეს კრიტიკული პოსტი მომეწონა... შეიძლება ბევრ რამეში არ დავეთანხმო, მაგრამ ეს არის ნამდვილი დიალოგი... ასეთი მიდგომიდან და არა ხატების დათვლიდან, იწყება ურთიერთგაგებისკენ გადადგმული პირველი ნაბიჯები... ეს არის სერიოზული ლაპარაკი და ამისთვის უნდა მოვემზადო. ისე, ვალის მოსასტუმრებლად ვერ გავცემ პასუხს თუ, ცხადია, ბ-ნი "აფხაზი" კიდევ არ დამაჯარიმებს (იქედნურად მელაპარაკებიან ბ-ნო "აფხაზ" და პასუხიც შესაბამისია). თანაც, გთხოვთ გაითვალისწინოთ, რომ სიმართლის თქმა, არ არის უტაქტობა და შეურაცხყოფის მიყენება. თითოეულ ჩემს სიტყვას შემიძლია მივუყენო დოკუმენტები. მე რომ ჰაიჰარად ვისროდე სიტყვებს და უსაფუძვლოდ ვეხებოდე ვინმეს, მაშინ კი ბატონო, მაგრამ ეს ასე არ არის. თუ ფორუმის წესებიდან გამომდინარე მეკრძალება რაღაცაზე ლაპარაკი, მე დაგეთანხმებით... მაგრამ მოდი, კიდევ ერთხელ, სხვებმაც გაიაზრონ რას წერენ...

sopo... - (ციტატა) (ძველმართლმადიდებელი): რომ "მისი ყველაფერი გვახსოვს და როგორც გადმოგვეცა ისე ვიმარხავთ გადმოცემას" (1 კორინთ. 11:2) და კიდევ: "ძმანო, მტკიცედ იდექით და იპყარით გადმოცემა, რომელიც გისწავლიათ სიტყვითა თუ ჩვენი წერილით" (2 თესალონი. 2:15).

წმ მოციქულებს ასეთი სწავლება პირჯვრიწერის წესზე არ აქვთ, დაადგინა ეკლესიამ და მანვე შეცვალა, ამ პრინციპით ერთი თითით პირჯვრისწერიდან არ უნდა გადავსულიყავით ორზე.

(ციტატა) (ძველმართლმადიდებელი): თქვენ დაგაეჭვათ ჩემს მიერ დამოწმებულმა სერაფიმე საროველის ციტატებმა და მომთხოვეთ წყაროები. დიდი სიამოვნებით გთავაზობთ მთელს ამონაწერს რუსულად წყაროდან: Литературная учеба. 1991 г. Январь-Фефраль. Книга первая. стр. 133-134). "Евреи и славяне суть два народа судеб Божиих, сосуды и свидетели Его, ковчеги нерушимые; прочие же все народы как бы слюна, которую извергает Господь из уст Своих" (იხ. აგრეთვე: http://ryibak.pravoverie.ru/node/85).

ეს სიტყვები წმ. სერაფიმეს არ ეკუთვნის არამედ მის გამომცემელს მოტოვილოვს, ეს ხომ დადასტურებული ფაქტია:

http://missioner.kuraev.ru/index.php?option=com_content&task=view&id=28&Itemid=47

http://forum.zaistinu.ru/viewtopic.php?f=3&t=436

(ციტატა) (ძველმართლმადიდებელი): ყოველგვარი ხუმრობის გარეშე მინდა გკითხოთ: თქვენ წერისას ხომ არ ნერვიულობთ? თქვენი ისტერიულობა კარგად ჩანს თქვენს აბდაუბდა ნაწერში. ცხადად ჩანს, რომ წერის დროს გეუფლებათ მრისხანება და თავს ვერ იკავებთ. ჩემი ლანძღვა და საპასუხო ისტერიული კივილი ვერ გიშველით...

ვერაფერს ვიტყვი ფაქტიურად გამშიფრეთ თქვენ რომ გელაპარაკებით კი ვცდილობ თავი შევიკავო მაგრამ მოზღვავებულ ემოციებს ვერ ვთოკავ. ეს უსაფუძვლო ლანძღვა, მრისხანება და ისტერია რომ გელანდებათ გარშემო თავს კომფორტულად გრძნობთ იქნებ რჩევა რომელიც მომეცით გაითვლისწინოთ ფსიქიატრიულ ჩარევაზე? ცხადად ჩანს რომ ვნერვიულობ? ღმერთია მოწმე გრამი ემოცია არ მქონია წერისას, მეტი ვინ დავიმოწმო და ჩემი ოჯახის წევრები რომ არც მხედველობის უნარი არ დამიკარგავს, არც პარალიჩი დამმართნია, ალბათ ასევე ცხადად ხედავთ მამა არჩილის ხიბლისმიერ მდგომარეობას და წმინდანების მწვალებლობას... უკვე გასაგებია.

ნუ არვიცი ცოტა ისეთი შემთხვევაა მძიმე... ვიცი რამდენს ნიშნავს თქვენთვის და ალბათ ძალიან გაგიჭირდებათ გადატანა, მაგრამ თქვენთან საუბრის სურვილი აღარ მაქვს საკითხზე კი გასაგებია უკვე სადაც არის სიმართლე, და სად ამპარტავნება და სიხისტე.

agmsarebeli - ხოდა სანამ ტყეში შევალ ისევ გეკითხები: აღიარებ თუ არა ერთი თითით ჯვრის გამოსახვას. ასევე პირჯვრის გამოსახვას ერთი თითით? და რატომაა თქვენს საიტზე ივერიის ღვთისმშობლის ხატი განგებ დამახინჯებული(ვგულისხმობ იმას, რომ მაცხოვრის მაკურთხეველი მარჯვენა სამი შეკრული თითითაა წარმოდგენილი), როცა სინადვილეში ორი შეკრული თითით(ცერით და არათითით) აკურთხევს? სიყალბესთან თუ გაუგებრობასთან გვაქვს საქმე?

netvorc (ძველმართლმადიდებელი ქრისტეანი): ეს არის ივერიის ღვთისმშობლის სასწაულმოქმედი ხატის ორიგინალი, დანარჩენი ყველა მისი ასლია, "აღმსარებელო" კარგად გადახედე, ეს ხატი უფრო ძველია თუ ის ასლი სამებაში რომ არის დაბრძანებული? თითების წყობას დააკვირდი.

სურ. 9

damiane80 - ძველმართლმადიდებელო, გაწყენინე რამე, თუ რატო მაიგნორებ ამხელა ფილარმონია პოსტზე ერთი "სალანძღავი" სიტყვაც რომ არ მომწერე ???

ძველმართლმადიდებელო ორიოდე კომენტარის უფლებას მივცემ ჩემ თავს შენს პოსტებზე, იმიტომ რომ უკვე წრეზე ტრიალი მიდის და შევეცადოთ დასკვნების გამოტანას:

დასკვნა 1-ლი, 2 თითით პირჯვრის წერა არის ძველმართლმადიდებლური წესი და როგორც შენც თავად დაამოწმე, იგი უკვე რუსეთის საპატრიარქომაც აღიარა და მისაღებად ჩათვალა. ამ საკითხზე, მართლაც საინტერესო მასალა დაიდო შენი მხრიდან, რომელიც ამ ფორუმზეშემომსვლელთა უმეტესობამ არ იცოდა (ცემი ჩათვლით), თუმცა იცოდა ნაწილმა და თავიდამნვე დაგიმოწმა, რომ 2 თითით პირჯვრის გადაწერა ძველი მართლმადიდებლური წესია.

მეორე საკითხი, რომელსაც შენ პირველთან ერთად აყენებ არის ის, რომ არასწორია და შეჩვენებას იმსახურებს სამი თითით პირჯვრის გადაწერის წესი. მსჯელობის ლოგიკა ასეთია, რადგან სწორია ძველი 2 თითით პირჯვრის გადაწერა, არასწორია ყველა სხვა... სანამ წყაროების ანალიზზე გადავიდოდე, პირველ რიგში მინდა ვქვა 2 სიტყვით პირჯვრის წერისას თითების წყობისა და მისი შინაარსის შესახებ 2 თითი პირჯვრის წერისას და 3 თითით პირჯვრის წერაზე.

აქ შენ მოყვანილი გყავს, რუსეთის პატრიარქის იობის წერილი ქართველი მიტროპოლიტ ნიკოლოზისადმი, სადაც ნათქვამია:

"ყოველ მართლმადიდებელ ქრისტეანს ორი თითით მართებს პირჯვრის გამოსახვა. ვაერთებთ ცერა, ნეკა და არათითს ნიშნად იმისა, რომ გვწამს წმ. სამება: მამა, ძე და სულიწმიდა; ორ დანარჩენს კი - საჩვენებელსა და შუათითს ვტოვებთ გამართულად, ქრისტეს ორბუნებოვნების - ღვთაებრივის და კაცობრივის, - სიმბოლოდ. ოდნავ მოხრილი შუათითი მოგვანიშნებს ღვთაებრიობაზე მაცხოვრისა, რომელმან მოსდრიკა ზეცა და განკაცდა დედამიწაზე. აღმართული თითი კი მკვდრეთით აღდგომის შემდეგ მაცხოვრის ამაღლებაზე მიანიშნებს".

"აღნიშნული ტექსტზე შენი კომენტარი იყო ასეთი: აქ ჯვართან მიმართებაში არის ორი თითი რადგან ქრისტეა ჯვარცმული და არა სამება".

მე მგონი, ეს არის კლასიკური შემთხვევა ტექსტი წაიკითხოს ისე როგორც გაწყობს. თავად შენს მიერვე მოყვანილ პატრიარქ იობის სიტყვებში ვკითხულობთ, რომ 2 თითი, გამოსახავს ქრისტეს 2 ბუნებას (და არა ჯვარცმას ამ შემთხვევაში), ხოლო სამი წმინდა სამებას. პატრიარქი არსად ამბობს, რომ 2 თითია არის ჯვარცმასთან მიმართებაში და საერთოდაც მის ამ სიტყვებში სიტყვა "ჯვარცმა"საერთოდ არ არის ნახსენები. სხვაგან სამი თითით პირჯვრის წერაზე შენ ამბობ... "მიუღებელია, რადგან თუ სამი თითი გამოხატავს სამების ერთარსობისადმი რწმენას, გამოდის რომ ჯვარცმულა წმ. სამება (ღმერთო მომიტევე!) და არა მაცხოვარი".

გაუგებარია საიდან ეს განმარტება, შენ თუ დამისახლებ მსგავს განმარტების თუნდაც ერთ ავტორიტეტულ წყაროს (შენს გარდა ), კი ბატონო მაშინ... გარდა ამისა, თუ მასე შევხედავთ პირჯვრის გადაწერაში მონაწილეობს ხუთივე თითი (მთლიანად მარჯვენა ხელი) და არა მხოლოდ 2 თითი. ამის დასტურად ვიმოწმებ ისევ შენს მიერ მოყვანილ წყაროს:

"ბერი პეტრე დამასკელი, რომელიც ცხოვრობდა XII საუკუნეში (თუმცა ზოგიერთის მტკიცებით ის ცხოვრობდა უფრო ადრე), ამბობს, რომ პირჯვრის წერისას, ორი თითი და ერთი მკლავი ხელისა წარმოაჩენენ ჩვენს ჯვარცმულ უფალს იესუ ქრისტეს, რომელმაც ერთ იპოსტასში შეაერთა ორი ბუნება" (იქვე).

უფრო შორს მიდის შენს მიერვე მოყვანილი ეს წყარო:

"ასე მაგალითად, XII საუკუნის ერთი ბერძენი ამხელს ლათინ მღვდელმთავრებს იმაში, რომ ისინი აკურთხებენ ხუთი თითით, ხოლო პირჯვარს, მონოთელიტთა მსგავსად, იწერენ ერთი თითით, "მაშინ, როდესაც თითები ჯვრის ნიშის გამოხატვისას ისე უნდა იყოს განლაგებული, რომ მით აღინიშნებოდეს ქრისტეს ორი ბუნება და ღვთაების სამი იპოსტასი".

აქაც ხაზგასმულია, რომ თითებით ჯვრის ნიშის გამოხატვისას უნდა აღინიშნებოდეს როგორც ქრისტეს 2 ბუნება, ისე სამებაც... თუმცა რა თქმა უნდა, ამას არავინ განმარტავს ისე, როგორც შენ (და არ გავიმეორებ ახლა ამას). ნუ, თუ შენ საკუთარ წყაროების არ გჯერა, მაშინ ვეღარაფერს ვიზამ... აქედან დასკვნა, სავალდებულო და დოგმატური წესია, რომ პირჯვრის წერა გამოხატავდეს მაცხოვრის 2 ბუნებას და სამების ერთარსებას. ამის ზევით რაც არის, ეს წმინდა წყლის შენი ფანტაზიის ნაყოფია და ნუ გეწყინება.
ეს რაც შეეხებოდა შინაარს, ახლა წყაროები განვიხილოთ:

1. შენი უპირველესი არგუმენტია წმინდა არსენ იყალთოელის "დოგმატიკონიდან" სიტყვები: "ვინცა ვინ არა დასწერდეს ჯუარსა ორითა თითითა, ვითარ-იგი ქრისტეცა, შეჩუენება!"

ამ სიტყვებს საკმაოდ ხშირად გვახსენებ და წინა პოსტებში კიდევ ერთხელ შეგვახსენე განკითხვის დღის მოლოდინში, თუმცა უნდა ითქვას, რომ ამ სერიოზულ საკითხზე არგუმენტი შენ თავად გაქვს მოყვანილი. კერძოდ:

"ეს წესი არსენ იყალთოელის "დოგმატიკონშია" მოცემული და მას ეწოდება "შეჩუენებაი იაკობიტთა და ყოველთა ერთ ბუნებიანთანი, რომელთა თანა არიან სომეხნიცა". ტექსტში, რომელიც ბერძნულიდან არის თარგმნილი, ჩამოთვლილია იაკობიტური (და მონოფიზიტური) ცთომილებანი, რომელთაც ანათემას უთვლის ამ მწვალებლობიდან მართლმადიდებლობად მოქცეული ქრისტეანი. მასში ნათქვამია: "რომელი საძაგელისა მისგან წვალებისა იკობიტთა და ხაჩეცართაისა უბიწოსა მართლმადიდებელთა ქრისტეანეთა სარწმუნოებასა ყოვლითა სულითა და გულითა მოუხდებოდის, შეჩუენებაი თანა-აც ყოველთავე აქა მოხსენებულთაი". მათ შორის: "ვინცა ვინ არა ნათელსცეს სამითა შთაფლვითა სახელსა ზედა მამისა, და ძისა, და სულისა წმიდისა, შეჩვენებულ იყავნ!" "ვინცა ვინ არა დასწერდეს ჯუარსა ორითა თითითა, ვითარ-იგი ქრისტეცა, შეჩუენება!" (მაია რაფავა. "უცნობი ავტორის ანტიმონოფიზიტური ტრაქტატი". ჟურნ. "მაცნე". ენისა და ლიტერატურის სერია. 1975 წ. # 1. გვ. 29)".

"ქ-ნი მაია რაფავა პუბლიკაციაში აცხადებს, რომ "ყველა ბრალდება, - რომელიც "შეჩვენებაში" არის გადმოცემული, - თეორიულად ცნობილი და პრაქტიკულად დაკანონებული იყო მის დროს" (იქვე. გვ. 28). აქედან კი გამომდინარეობს, რომ არსენ იყალთოელის დროს ორი თითით ჯვრის გამოსახვა როგორც პირჯვრისწერისთვის, ასევე კურთხევის გასაცემად დოგმატური შინაარსის მატარებელი და ქართულ საეკლესიო პრაქტიკაში დამკვიდრებული წესი იყო. სწორედ ამ წესს უარყოფდნენ მონოფიზიტები (აქედან გამომდინარეობს ბრალდებაც) და, როგორც პროფ. კაპტერევის მოწმობიდანაც ჩანს, თავიანთი დოგმატური შეხედულებისამებრ, კერძოდ ქრისტეს ერთბუნებოვნების აღსანიშნავად, ერთი თითით გამოხატავდნენ ჯვარცმული ქრისტეს აღსარებას".

ანუ სრულიად ნათელია, რომ ეს წესი მიღებულია სწორედ დოგმატური შინაარსის ცვლილების საწინააღმდეგოდ (ქრისტეს ერთი ბუნების საწინააღმდეგოდ). ეს წესი საერთოდ არ მსჯელობს 3 თითით პირჯვრის გადაწერის საკითხზე, რადგან როგორც ჩანს ეს საკითხი, მაშინ უცნობი იყო. ამას შენც ადასტურებ:

"არსენ იყალთოელის დროს კი სამი თითით პირჯვრისწერა არ არსებობდა და როგორ უნდა გამოეხატა ეკლესიას თავისი პოზიცია იმის მიმართ რაც არ იყო?იყო ერთი თითით პირჯვრის წერის წესი და გამოხატა კიდეც თავისი დამოკიდებულება მის მიმართ, - გადასცა ანათემას!"

ამგვარად, ერთი თითით პირჯვრის გადაწერის შეჩვენება განაპირობა სწორედ იმან, რომ 1 თითით პირჯვრის წერა ნიშნავდა ქრისტეს ერთი ბუნების აღიარებას, ხოლო 2-ით ორბუნებიანობის აღიარებას, რაც დოგმატური სხვაობაა მონო და დიოფიზიტებს შორის.

აქედან გამომდინარე, შენთვის მომინდვია დასკვნა იმაზე, შეაჩვენებდა თუ არა არსენ იყალთოელის დოგმატიკონი პირჯვრის წერის წესს, რომელიც ქრისტეს 2 ბუნებას და სამების ერთარსებას აღიარებს...

2. მეორე წყაროდ შენ უთითებ ასმუხლიან კრებას (1551) წელს და ამბობ, რომ "ასმუხლიანი" კრების (1551 წ.) მიერ ეს კრულვა, ასევე ქრისტოლოგიური და ტრიადოლოგიური დოგმატის დარღვევის საპირისპიროდ, უკვე სამი თითით პირჯვრისმაწერალთა საწინააღმდეგოდ იქნა მიღებული. ამის დასადასტურებლად მოგყავს უდიდესი რუსი მკვლევარის ზენკოვსკის სიტყვები: "собор решительно настоял, чтобы русская церковь пользовалась древним двухперстным знамением и запретил пользоваться "новым" трехперстным знамением, введенным в греческой церкви в тринадцатом-четырнадцатом веке, которое начало в то время (ე.ი. 1551 წლისთვის, როდესაც მოწვეულ იქნა "ასმუხლიანი" კრება) распространяться и в России (С. Зенковский. "Русское старообрядчество", Москва, "Церковь", 1995 г., стр. 37). ან მე არ ვიცი რუსული, ან ზენკოვსკი წერს სხვა რამეს, გთხოვ მითხრა собор решительно настоял-ში კრულვის შეთვლა იგულისხმება??... ამ წყაროზე სხვას ვერაფერს ვიტყვი, რადგან რაც მოიყვანე ტექსტი რუსულად, არ ადასტურებს იმას, რაც წერ ქართულად...თუ გასწორდება ეს საკითხი, შემდეგ ვიმსჯელოთ ამაზე.

გარდა ამისა, საგულისხმოა, რომ ეს წესი (სამი თითით პირჯვრის წერისა, სულაც არ ყოფილა რუსული, როგორც თავიდან გეგონა, არამედ ჯერ კიდევ 13-14 საუკუნის (ანუ ნიკონის რეფორმადე 4 საუკუნით ადრინდელი ყოფილა) და თანაც ბერძნული. ამდენად, საინტერესო უნდა იყოს, როგორ მოხდა საბერძნეთში 3 თითით პირჯვრის წერის გავრცელება და ბერძნული ეკლესია, რომელიც მანამდე კბილებით იცავდა ეკლესიას მონოფიზიტებისაგან, რატომ მიიღო ეს "მრეხელური" წესი (ღმერთო შემინდე), როგორც შენ ამბობ. იქნებ საბერძნეთშიც ცეცხლითა და მახვილით გავრცელდა იგი?

3. ხატებზე მითითებას რაც შეეხება, შენ ამბობ: "დანარჩენი თითების წყობიდან სახელობითი კურთხევის წყობა ასევე არის უცნობი, ხოლო სხვა წყობები, (მაგ. ანჩისხატისა) არ გამოხატავს საკურთხებელ ან პირჯვრისსაწერ კომბინაციას. ისინი, მეცნიერთა აზრით, არის მოქმედების, დინამიურობის, მქადაგებლური ჟესტის გამოხატულება..." ასე კიდე პირველი კლასელები ცდილობენ თავის დაძვრენას...

"დაიდოს "აღმსარებელმა" ასეთი ხატები და ივარჯიშოს..."

ხატების საკითხი შენი წამოწეულია ამ თემაში, ამიტომ შენც რომ გაივარჯიშო მაგალითად ქვემოთ მოყვანილ საკითხზე არ გაწყენს. კერძოდ: ქრისტეს მონოგრამის შესახებ, ერთგან შენ წერდი შემდეგს: "რაც შეეხება იესუს სახელის გამოსახვას თითებით, ეს არის აბსურდი, რომელიც ნიკონ პატრიარქის რეფორმების დროს დაამკვიდრეს ბერძნებმა რუსეთში, შემდეგ კი რუსმა ეგზარქოსებმა საქართველოში. მე ვლაპარაკობ სახელობით წყობაზე, IС XC, რომელიც ქრისტეანობის ადრინდელ ძეგლებში, არსად, არ მოიხსენიება. პროფ. გოლუბინსკის ვარაუდით ეს სიმბოლო შემოვიდა დაახლ. 16-ე - 17-ე საუკუნეების საბერძნეთში და მისგან დამკვიდრდა დანარჩენ მსოფლიოში".

ხოდა რა ხდება ახლა, ეს "მე-16-მე-17 საუკუნის მონოგრამა" (როგორც შენ უწოდებ) შენს მიერვე მითითებულ უძველეს ხატებზეა გამოსახული, სადაც მაცხოვარს 2 თითიანი წყობა აქვს ანუ გვაქვს 2 თითიანი წყობაც და ქრისტეს მონოგრამაც, თუ ეს ზღაპარია და ეგზარქოსების მოგონილი, როგორ აღმოჩნდა ამ ხატებზე ხომ ვერ მეტყვი? მეტი დამაჯერებლობისათვის კიდევ ერთხელ ვაკოპირებ შენსავე მოყვანილ წყაროებს:

http://www.oldorthodox.ge/images/10%20(40).jpeg

ა ბატონო იგევეა აქაც:

http://www.oldorthodox.ge/images/10%20(44).jpg

ეს კიდევ უფრო ძველი ჩანს და საინტერესოა რომელი ტაძრისაა?
აქ კიდევ ერთი:

http://www.oldorthodox.ge/images/10%20(23).jpg

4. და ბოლოს, კიდევ ერთი საკითხი, რომელზედაც შენი აზრი მაინტერესებს, არის ისტორიული ფაქტი, რომელიც წინა პოსტებში ითქვა, რომ "რუსეთში რეფორმის პერიოდში ძველმართმადიდებლები და რეფორმის მიმდევრები მთელი 10 წლის განმავლობაში ინარჩუნებდნენ ევქარისტიულ კავშირს (სანამ კრება ჩატარდებოდა) ანუ 10 წლის განმავლობაში ერთი სამი თითით იწერდა პირჯვარს, მეორე 2-ით მაგრამ მათ შორის ევქარისტიული კავშირი არ შეწყვეტილა... და ვინ იცის ის კრება რომ არ ჩატარებულიყო და 2 თითი პირჯვრის გადამწერები არ შეეჩვენებიათ, დარჩებოდა ისე როგორც იყო - ანუ ნაწილი 2 თითი დაიწერდა პირჯვარს ნაწილი სამით, მაგრამ ყველანი იქნებოდნენ ერთი წმინდა მართლმადიდებელი სამოციქულო ეკლესიის შვილები".

აქედან 2 კითხვაა, თუ სამი თითით პირჯვრის წერა მწვალებლობაა, მაშინ რით აიხსნება ასეთი ევქარისტიული ერთობა (თუნდაც ფორმალურ დონეზე)????

რაც შეეხება შენს დამრიგებლურ მოწოდებებს, მართლა დარწმუნებული ვარ რომ მხოლოდ გულწრფელი განზრახვები გამოძრავებს შენი მოსაზრებებიდან გამომდინარე, მაგრამ ახლა წარმოიდგინე შენ იგივე მქადაგებლური ტონით და გულწრფელი განზრახვებით აპოლეგიტიკის განყოფილებაში გვიქადაგებდა მოყვასი (რასელისტი), Otherguy (არიანელი) და სხვანი და სხვანი. ჩვენ გვჯერა თქვენი გულწრფელობის, მაგრამ უფრო მეტად გვწამს უფალი ჩვენი იესო ქრისტეს მოძღვრების და ამ მოძღვრების არსის, რომელშიც ფორმა მოცემულია მხოლოდ შინაარსის გადმოსაცემად და მთავარი შინაარსია... (მით უფრო, როდესაც ფორმა მწვალებლობად შერაცხის საფუზველი ხდება)... შაბათი შეიქმნა კაცთათვის და არა კაცი შაბათისათვის. პირჯვრის წერის წესში ჩვენ მოვიაზრებთ სამებას ერთარსებას და ქრისტეს 2 ბუნებას (ისევე როგორც თქვენ), მაშინ რატომ გვიწოდებთ მწვალებლებს, შე დალოცვილო.საკუთარ თავს მაინც კითხე, თუ ასეთი მწვალებლობა იყო, როგრ მიიღო ეს წესი საბერძნეთმა (რომ რაიმე კრებები არ არის ცნობილი) ან სხვა ქრისტიანულმა ქვეყნებმა. ამაზე პასუხი არ არის...

ჩვენი მართლმადიდებლური წესი არ 2 თითი პირჯვრის წერას (ალბათ აქ უნდა ეწეროს "არ ეწინააღმდეგება 2 თითით პირჯვრის წერას - ადმ.) და მით უფრო შთაფვლით მონათვლას მიიჩნევს სწორად (მით უმეტეს რომ შთაფვლით ნათლობა დღესაც ძალიან ხშირია ჩვენს ეკლესიაში), ეს შენ გვიწოდებ მწვალებლებს და მოუნათლავებს და აქედან გამომდინარე თავადვე განსაზღვრე, ვინ უნდა მოთოკოს თავისი პატივმოყვარება და გადადგას ნაბიჯი მოყვასისაკენ.

ერთობის იმედით.

დამიანე.

(ციტატა) (netvorc): ეს არის ორიგინალი ივერიის ღვთისმშობლის სასწაულმოქმედი ხატი, დანარჩენი ყველა მისი ასლია, "აღმსარებელი" კარგად გადახედე, ეს ხატი უპრო ძველია თუ ის ასლი სამებაში რომ არის დაბრძანებული? თითების წყობას დააკვირდი (იხ. სურ № 13).

damiane80 - გენაცვალე, მშვენიერია, რომ ასე კარგი მტკიცვებულება მოიყვანე, მაგრამ გთხოვ მიაქციო ყურადრება შენც და ძველმართლმადიდებელმაც, რომ ივერიის ღვისმშობლის სასწაულმოქმედ ხატზე, მაცხოვრის სახის გვერდით გამოსახულია მაცხოვრის მონოგრამა IC XC., რომელსაც ძველმართლმადიდებელი 17 საუკუნის ეგზარქოსულ ჩვევას უწოდებდა.

აქედან დასკვნა, მაცხოვრის მონოგრამა უუუძველესი დროისაა, ხოლო თითების წყობა, რაც გამოსახულია ხატზეარ ემთხვევა იმას, რასაც თქვენ ბრძანებთ (2 თითი გაშლილი და 3 შეერთებული). კერძოდ. ხატზე 2თითი გაშლილია, არათითი და ცერი შეერთებული, ხოლო ნეკი ასევე გაშლილი და ოდნავ მოხრილი, რაც კიდევ ერთხელ ვიმეორებ ახლოს დგას სწორედ IC XC-ს წყობასთან, სადაც 1-ლი თითი გაშლილია, მეორე გაშლილი და ოდნავ მოხრილი, მესამე და ცერი შეერთებული, ხოლო ნეკი ასევე გაშლილი და მოხრილი.

ახლა ნუ დავიწყებთ საუბარს იმაზე, რომ ხატებზე იუველური სიზუსტით იყოს გამოსახული თითების წყობა, მთავარი როგორც ვამბობთ ის შინაარსია, რაც ჩადებული იყო ამა თუ იმ წყობაში. ვისაც თვალნი აქვს , იხილოს... ასეთივე წყობა თიტების არის ანჩისხატის ხატზეც და სხვა მრავალ ხატზე, რომელიც თავად თქვენ დაიმოწმეთ. ასე რომ კიდევ ერთხელ არ გაწყენდათ გავარჯიშება.

კანონისტი - (ციტატა) (კანუდოსელი): ობიექტურბა მოითხოვს ვთქვა, რომ კანონისტის ზოგიერთი არგუმენტი ისევე ვერლავეს გამოიყურება, როგორც თავად სტროვერის დემაგოგიას მაგონებს ხოლმე ხანდახან...

მაინც რომელი? და რატომ? და თითოეული არგუმენტის წინაპირობა იქნებ გაიხსენო?

კანონისტი - (ციტატა) (netvorc): ეს არის ორიგინალი ივერიის ღვთისმშობლის სასწაულმოქმედი ხატი, დანარჩენი ყველა მისი ასლია, "აღმსარებელი" კარგად გადახედე, ეს ხატი უპრო ძველია თუ ის ასლი სამებაში რომ არის დაბრძანებული? თითების წყობას დააკვირდი.

გეშლება. ეს თითების წყობა არის არა თავად ხატის, არამედ მისი პერანგის, რომელიც გვიანი პერიოდისაა. სიონის ასლი კი, როგორც ვიცით, დაწერილი არის ამ პერანგქვეშა ხატის ორიგინალის მიხედვით, ასე რომ, სიონის ასლი უფრო ძველ გამოსახულებას იმეორებს.

sopo... - (ციტატა) (damiane80): "ძველმართლმადიდებელო, მე მგონი, ეს არის კლასიკური შემთხვევა ტექსტი წაიკითხოს ისე როგორც გაწყობს. თავად შენს მიერვე მოყვანილ პატრიარქ იობის სიტყვებში ვკითხულობთ, რომ 2 თითი, გამოსახავს ქრისტეს 2 ბუნებას (და არა ჯვარცმას ამ შემთხვევაში), ხოლო სამი წმინდა სამებას. პატრიარქი არსად ამბობს, რომ 2 თითია არის ჯვარცმასთან მიმართებაში და საერთოდაც მის ამ სიტყვებში სიტყვა "ჯვარცმა"საერთოდ არ არის ნახსენები. სხვაგან სამი თითით პირჯვრის წერაზე შენ ამბობ: "მიუღებელია, რადგან თუ სამი თითი გამოხატავს სამების ერთარსობისადმი რწმენას, გამოდის რომ ჯვარცმულა წმ. სამება (ღმერთო მომიტევე!) და არა მაცხოვარი". გაუგებარია საიდან ეს განმარტება, შენ თუ დამისახლებ მსგავს განმარტების თუნდაც ერთ ავტორიტეტულ წყაროს (შენს გარდა ), კი ბატონო მაშინ...

ის რომ სამების სახელით გვმართებს გამოსახვა პირჯვრის , რაც არ ნიშნავს მის ჯვარცმას ეს მგონი სადავო საკითხი არაა

http://saintanna.org/blog/entry/sealing-oneself-with-the-sign-of-the-cross/

წმ თეოდორე მეოთხე საუკუნეში სამების სახელით ჯვრის გამოსახვის შესახებ:

http://soc-wus.org/ourchurch/St.%20Meletius,%20Patriarch%20of%20Antioch.htm

წმ მელეტიმ აღმართა სამი თითი და თქვა რომ ამით ვაღიარებთ წმ სამებას და გაბრწინების სასწაულით დადასტურდა ჭეშმარიტება და საბერძნეთში ეს ტრადიცია მანამდეც იყო, განმტკიცება ალბათ არიანელთა, ნესტორიანელთა , მწალებლურმა სწავლებამ გამოიწვია ვინც ორი თითით იწერს პირჯვარს. იმ პრინციპით როგორც ეკლესიამ შეაჩვენა ერთი თითით მონოფიზიტური რწმენის აღმსარებელნი ასე გამოაცხადა ორითითით რწმენის გამომხატვა ნესტორიანელობად, მწვალებლობად, და დააწესა სამი თითი მათგან განსხვავების ნიშნად; ან თუნდაც ასე ვთქვათ ყველა წყაროში გვხვდება ამგვარად 'შეაერთეთ სამი თითი,' 'აღმართა სამი თითი' უმთავრესია ხელის წყობაში ეს ორი გამოჩნდეს სამება და ქრისტეს ორი ბუნების აღიარება. ეხლა კამათია პირველი სამი თითი შევაერთოთ თუ პირველი და ბოლო ორი, ნუ არვიცი რა ვთქვა. ეს ეხლა შევამჩნიე.

(ციტატა) (ძველმართლმადიდებელი): "ადამიანთან, რომელიც სტალინის მეხოტბეა და მის აღორძინებას ელოდება, რა უნდა ვილაპარაკო?"

sopo... - ლოგიკაა ქვას ხეთქავს ზევით გიწერიათ ქრისტე დაუნდობლად ამხელდა მღვდელმთავრებსო, და რომ ამით ხელმძღვანელობთ , და მრუშებზე და ცოდვილებზე რას ამბობდა ქრისტე "რა უნდა ველაპარაკოო" ?

netvorc:

წმ. ნიკოლოზის ხატი. სურ. 10

(ციტატა) (კანონისტი): გეშლება. ეს თითების წყობა არის არა თავად ხატის, არამედ მისი პერანგის, რომელიც გვიანი პერიოდისაა. სიონის ასლი კი, როგორც ვიცით, დაწერილი არის ამ პერანგქვეშა ხატის ორიგინალის მიხედვით, ასე რომ, სიონის ასლი უფრო ძველ გამოსახულებას იმეორებს.

netvorc - მე კი არა შენ გეშლება. სიონის ასლი ფერებშიც კი დაცილებულია დედანს. ყველაზე ზუსტი ასლი დაწერეს სოლოვეცკელმა ბერებმა, სადაც ხატზე მაცხოვარი გამოსახულია ისე, როგორც ჩემს მიერ წარმოდგენილ ხატზეა, ანუ ორთითიანი წყობით.

და კიდევ. რატომ უნდა ვენდო მე თქვენი საპატრიარქოს ვერსიას. ან საიდან მოიტანე, რომ პერანგს იქეთ სხვაგვარი წყობაა. დამარწმუნე. მე დედანი დავდე და შენ კიდევ ასლს მიმოწმებ. მე ორთითიანი ხატი დავდე პერანგით, შენ კიდევ დამიდე იგივე ხატი უპერანგოდ. თუ არადა, ფილოსოფოსობას მოეშვი.

Funkenstein - აი ჩემი მამაო როცა მლოცავს ხოლმე პირჯვარს მსახავს ისე როგორც ამ ხატზე გამოსახული და როცა თვითონ იწერს პირჯვარს მაშინ ჩვეულებრივად იწერს.

agmsarebeli - (ციტატა) (netvorc): ეს არის ივერიის ღვთისმშობლის სასწაულმოქმედი ხატის ორიგინალი (იხ. სურ. 9)., დანარჩენი ყველა მისი ასლია, "აღმსარებელი" კარგად გადახედე, ეს ხატი უფრო ძველია თუ ის ასლი სამებაში რომ არის დაბრძანებული? თითების წყობას დააკვირდი.

ადამიანო, სურათიც რომ გადაუღო ივერიის ღვთისმშობლის ხატს, მაშინაც კარგად გამოჩნდება როგორ არის მასზე მაცხოვრის თითები გამოსახული. რათ გინდათ ამ სიყალბის აკვიატება. ასევე დავდე აქ დოქიარის მონასტრის მთავარი სიწმინდე, ისიც ღვთისმშობელი, მასზეც ასევეა გამოსახული თითები მაცხოვრისა. და ისიც უძველეს ეპოქას განეკუთვნება. ამიტომ ნუ ცდილობთ სიმართლე სიცრუეთ წარმოაჩინოთ. გეშინოდეთ!!! ისე ნეტვორკ, შემთხვევით ძველმართლმადიდებელი ხო არ ხარ ნიკით?

netvorc - საიდან მოიტანე? ეგ ხატი შენ ასლი არ გეგონოს ივერიის ღვთისმშობლის ნამდვილი დედანია, რას ხედავ შენ მანდ გაშლილ ნეკა თითს თუ მოხრილს? რაც შეეხება შიშს მე მარტო ღმერთის და ღმერთის კანონების მეშინია, შენ თუ ეშმაკის შიშს გულისხმობ, ეშმაკის არ მეშინია. მე იმას არავის ვედავები რომ გაშლილი ნეკა თითი ხატებში არაკანონიკურია მეთქი, დავდებ ეხლა ხატს სადაც ორივე კომბინაციაა გამოსახული.

სურ. 11

ხედავ თუ არა ერთ ხატზე ორივე თითის კომბინაციას? მამა ღმერთს დააკვირდი თითების წყობაზე და მერე მარჯვენა დაბლა კუთხეში წმინდანის თითებს. რაც შეეხება სამი თითით პირჯვრის გამოსახვას, ასეთი ფაქტები ხატებში მარტო ბოლო ორი საუკუნეა დამკვიდრდა. ამ საკითხში ნუ მედავები სამხატვრო მაქვს დამთავრებული და ხატწერაზე ჩემზე მეტი არამგონია შენ იცოდე.

(ციტატა) (damiane80): გენაცვალე, მშვენიერია, რომ ასე კარგი მტკიცვებულება მოიყვანე, მაგრამ გთხოვ მიაქციო ყურადრება შენც და ძველმართლმადიდებელმაც, რომ ივერიის ღვისმშობლის სასწაულმოქმედ ხატზე, მაცხოვრის სახის გვერდით გამოსახულია მაცხოვრის მონოგრამა ICXC., რომელსაც ძველმართლმადიდებელი 17 საუკუნის ეგზარქოსულ ჩვევას უწოდებდა. აქედან დასკვნა, მაცხოვრის მონოგრამა უუუუძველესი დროისაა, ხოლო თიტების წყობა, რაც გამოსახულია ხატზეარ ემთხვევა იმას, რასაც თქვენ ბრძანებთ (2 თითი გაშლი.ლი 3 შეერთებული). კერძოდ. ხატზე 2თითი გაშლიულია, არათითი და ცერი შეერთებული, ხოლო ნეკი ასევე გაშლილი და ოდნავ მოხრილი, რაც კიდევ ერთხელ ვიმეორებ ახლოს დგას სწორედ ICXC-ს წყობასთან, სადაც 1-ლი თითი გაშლილია, მეორე გაშლილი და ოდნავ მოხრილი, მესამე და ცერი შეერთებული, ხოლო ნეკი ასევე გაშლილი და მოხრილი. ახლა ნუ დავიწყებთ საუბარს იმაზე, რომ ხატებზე იუველური სიზუსტით იყოს გამოსახული თითების წყობა, მთავარი როგორც ვამბობთ ის შინაარსია, რაც ჩადებული იყო ამა თუ იმ წყობაში. ვისაც თვალნი აქვს , იხილოს... ასეთივე წყობა თიტების არის ანჩისხატის ხატზეც და სხვა მრავალ ხატზე, რომელიც თავად თქვენ დაიმოწმეთ. ასე რომ კიდევ ერთხელ არ გაწყენდათ გავარჯიშება.

netvorc - შენ მეგობარო მემგონი მხედველობა გღალატობს ან არ ხარ გარკვეული ხატწერაში. როგორ გავიგო გაშლილი და ოდნავ მოხრილი? ან მოხრილია ან გაშლილი... რაც შეეხება გაშლას, შეხედე ანჩისხატის გამოსახულებას აქ გაშლილი თითები გაშლილია და მოხრილი - მოხრილია.

სურ. 12

და კიდევ მე არ ვდაობ იმაზე რომ გაშლილი ნეკა თითი არაკანონიკურია, ეს მე არ მითქვია და არც "ძველმართლმადიდებელს". აქვე კიდევ დავდებ კატაკომბის მაცხოვრის ხატს (იხ. სურ. 13), სადაც კარგად ჩანს რომ "ნეკა და არა თითი მოხრილია". არ დაგავიწყდეს რომ კატაკომბის ხატწერა ყველაზე ძველია, მაგრამ ისიც მინდა გითხრა რომ ჯერ კიდევ ხატწერა იმდროს ყალიბდებოდა და საბოლოო კანონიკა და წესები ხატწერის მსოფლიო კრებებზე დამტკიცდა.

სურ. 13

(ციტატა) (agmsarebeli): ადამიანო, სურათიც რომ გადაუღო ივერიის ღვთისმშობლის ხატს, მაშინაც კარგად გამოჩნდება როგორ არის მასზე მაცხოვრის თითები გამოსახული. რათ გინდათ ამ სიყალბის აკვიატება. ასევე დავდე აქ დოქიარის მონასტრის მთავარი სიწმინდე, ისიც ღვთისმშობელი, მასზეც ასევეა გამოსახული თითები მაცხოვრისა. და ისიც უძველეს ეპოქას განეკუთვნება. ამიტომ ნუ ცდილობთ სიმართლე სიცრუეთ წარმოაჩინოთ. გეშინოდეთ!!! ისე ნეტვორკ, შემთხვევით ძველმართლმადიდებელი ხო არ ხარ ნიკით?

ძველმართლმადიდებელი - ძველმართლმადიდებელი მე ვარ ჯიგარო. "ნეტვორკი" კი ჩემი მეგობარია. იცი, არაფერში მჭირდება ორი სხვადასხვა ნიკით შემოსვლა. ეხლა რაც შეეხება ივერიის ყოვლადწმიდა ღვთისმშობლის ხატზე გამოსახულ თითებს. ამ ხატის უზუსტესი ასლი დაწერეს სოლოვეცკელმა ბერებმა. ეს მე ერთხელ უკვე ვთქვი, მაგრამ თქვენ წაუყრუეთ... ამ ხატზე მაცხოვარს თითები შეკრული აქვს ორთითიანი წყობით. "ნეტვორკის" მიერ წარმოდგენილ ხატზე ნაჩვენებია ორი თითი. გეთანხმები, თითების იუველირულ სიზუსტეზე არ ვიდავოთ. ხატმწერები ორ გამართულ თითს და სამ შეკრულს ყოველთვის როდი გამოსახავენ ერთნაირი სიზუსტით. პორტაიტისაზე (ივერიის ღვთისმშობლის ხატზე) მაცხოვარს ცერი არათითსა და ნეკზე მიერთებული აქვს გვერდიდან (სხვათა შორის, ასეა ეს ყაზანის სასწაულთმოქმედ ხატზეც).

მაგრამ ეს კიდევ არაფერი. მე მინდა თქვენ, ურწმუნოებს, რომლებსაც თვალსაჩინო ხატებიც კი ვერ გარწმუნებთ, წარმოგიდგინოთ სიტყვიერი აღწერილობა (სხვათა შორის ეს აღწერილობა არ ეკუთვნის ძველმოწესეებს).

ეს ცნობა არის ინტერნეტ ენციკლოპედიიდან sedmitza.ru. აი, რას ვკითხულობთ აქ გადმოცემულია ივერიის ყოვლადწმიდა ღვთისმშობლის ხატის აღწერილობა. აი რას ვკითხულობთ მის შესახებ.

"Икона Иверской Божией Матери представляет собой иконографический тип Одигитрии, строгость которого несколько смягчена проявлением чувств Матери и Младенца: Богородица слегка наклонила голову к Сыну, а Христос протягивает к ее указующей деснице свою правую кисть, сложенную в благословляющем двуперстном знамении. Главы Богоматери и Спасителя венчают пышные металлические короны. Как выразил преосв. Порфирий общее впечатление от образа, Иверская Богородица «величественная с выражением вовсе не грозным".
Икона, кроме ликов, сплошь покрыта чеканным серебряным окладом. Рельефы на окладе представляют апостолов: Филиппа, Фому, Андрея, Луку и др., призванных, видимо напомнить об апостольском служении самой Божией Матери. Для грузинских иноков, заказывавших драгоценный оклад, Матерь Божия всегда оставалась "апостолом" их родной земли. По низу иконы идет характерная для того времени надпись на грузинском языке, относящаяся к серебряному окладу: "Царица. Мать человеколюбиваго Бога, пренепорочная Дева Мария, помилуй душу моего господина великаго Кай-хосроя Квар-Кварашвили, а я, раб твой и лишенный всяких сил, достойный сожаления, Амвросий, благодаря тебя, который удостоил меня оковать это и украсить святой образ твоей Портаитиссы. Прими в жертву от меня грешнаго эту малую мою дерзость и сохрани остаток моей жизни без греха. И в час исхода жалкой души моей помоги инее, рассей все списки моих грехов. И поставь меня грешнаго у престола Сына и Бога твоего и безначальнаго святаго Отца Его и Святаго Духа. Ныне и присно и во веки веков. Аминь".

წყარო იხილეთ აქ: http://www.sedmitza.ru/text/1094986.html

რა ვქნათ ახლა? გინდ დაიჯერეთ და გინდ არა. თქვენი წყაროებიც კი ადასტურებენ, რომ ივერიის ღვთისმშობლის დედანზე მაცხოვარს თითები შეკრლი ჰქონია ორთითიანი წყობით.
(ციტატა) (damiane80): გენაცვალე, მშვენიერია, რომ ასე კარგი მტკიცვებულება მოიყვანე, მაგრამ გთხოვ მიაქციო ყურადრება შენც და ძველმართლმადიდებელმაც, რომ ივერიის ღვისმშობლის სასწაულმოქმედ ხატზე, მაცხოვრის სახის გვერდით გამოსახულია მაცხოვრის მონოგრამა ICXC., რომელსაც ძველმართლმადიდებელი 17 საუკუნის ეგზარქოსულ ჩვევას უწოდებდა. აქედან დასკვნა, მაცხოვრის მონოგრამა უუუძველესი დროისაა, ხოლო თიტების წყობა, რაც გამოსახულია ხატზე არ ემთხვევა იმას, რასაც თქვენ ბრძანებთ (2 თითი გაშლილი 3 შეერთებული). კერძოდ. ხატზე 2თითი გაშლილია, არათითი და ცერი შეერთებული, ხოლო ნეკი ასევე გაშლილი და ოდნავ მოხრილი, რაც კიდევ ერთხელ ვიმეორებ ახლოს დგას სწორედ ICXC-ს წყობასთან, სადაც 1-ლი თითი გაშლილია, მეორე გაშლილი და ოდნავ მოხრილი, მესამე და ცერი შეერთებული, ხოლო ნეკი ასევე გაშლილი და მოხრილი. ახლა ნუ დავიწყებთ საუბარს იმაზე, რომ ხატებზე იუველური სიზუსტით იყოს გამოსახული თითების წყობა, მთავარი როგორც ვამბობთ ის შინაარსია, რაც ჩადებული იყო ამა თუ იმ წყობაში. ვისაც თვალნი აქვს , იხილოს... ასეთივე წყობა თითების არის ანჩისხატის ხატზეც და სხვა მრავალ ხატზე, რომელიც თავად თქვენ დაიმოწმეთ. ასე რომ კიდევ ერთხელ არ გაწყენდათ გავარჯიშება.

ძველმართლმადიდებელი - დამიანე დაანებე თავი პროვოკაციებს... თუ არა და წერა-კითხვა ისწავლე... მონოგრამა და თითების წყობაში იესუს სახელის გამოსახვა გეშლება ერთმანეთში. მონოგრამაზე მე არ მითქვამს ეგზარქოსულიაო... ეგზარქოსული შენი აზროვნებაა...

(ციტატა) (damiane80): ", ორიოდე კომენტარის უფლებას მივცემ ჩემ თავს შენს პოსტებზე, იმიტომ რომ უკვე წრეზე ტრიალი მიდის და შევეცადოთ დასკვნების გამოტანას: დასკვნა 1-ლი, 2 თითით პირჯვრის წერა არის ძველმართლმადიდებლური წესი და როგორც შენც თავად დაამოწმე, იგი უკვე რუსეთის საპატრიარქომაც აღიარა და მისაღებად ჩათვალა. ამ საკითხზე, მართლაც საინტერესო მასალა დაიდო შენი მხრიდან, რომელიც ამ ფორუმზე შემომსვლელთა უმეტესობამ არ იცოდა (ჩემი ჩათვლით), თუმცა იცოდა ნაწილმა და თავიდამნვე დაგიმოწმა, რომ 2 თითით პირჯვრის გადაწერა ძველი მართლმადიდებლური წესია.

მეორე საკითხი, რომელსაც შენ პირველთან ერთად აყენებ არის ის, რომ არასწორია და შეჩვენებას იმსახურებს სამი თითით პირჯვრის გადაწერის წესი. მსჯელობის ლოგიკა ასეთია, რადგან სწორია ძველი 2 თითით პირჯვრის გადაწერა, არასწორია ყველა სხვა... სანამ წყაროების ანალიზზე გადავიდოდე, პირველ რიგში მინდა ვთქვა 2 სიტყვით პირჯვრის წერისას თითების წყობისა და მისი შინაარსის შესახებ 2 თითი პირჯვრის წერისას და 3 თითით პირჯვრის წერაზე. აქ შენ მოყვანილი გყავს, რუსეთის პატრიარქის იობის წერილი ქართველი მიტროპოლიტ ნიკოლოზისადმი, სადაც ნათქვამია: "ყოველ მართლმადიდებელ ქრისტეანს ორი თითით მართებს პირჯვრის გამოსახვა. ვაერთებთ ცერა, ნეკა და არათითს ნიშნად იმისა, რომ გვწამს წმ. სამება: მამა, ძე და სულიწმიდა; ორ დანარჩენს კი - საჩვენებელსა და შუათითს ვტოვებთ გამართულად, ქრისტეს ორბუნებოვნების - ღვთაებრივის და კაცობრივის, - სიმბოლოდ. ოდნავ მოხრილი შუათითი მოგვანიშნებს ღვთაებრიობაზე მაცხოვრისა, რომელმან მოსდრიკა ზეცა და განკაცდა დედამიწაზე. აღმართული თითი კი მკვდრეთით აღდგომის შემდეგ მაცხოვრის ამაღლებაზე მიანიშნებს". აღნიშნული ტექსტზე შენი კომენტარი იყო ასეთი: "აქ ჯვართან მიმართებაში არის ორი თითი რადგან ქრისტეა ჯვარცმული და არა სამება".

მე მგონი, ეს არის კლასიკური შემთხვევა ტექსტი წაიკითხო ისე როგორც გაწყობს. თავად შენს მიერვე მოყვანილ პატრიარქ იობის სიტყვებში ვკითხულობთ, რომ 2 თითი, გამოსახავს ქრისტეს 2 ბუნებას (და არა ჯვარცმას ამ შემთხვევაში), ხოლო სამი წმინდა სამებას. პატრიარქი არსად ამბობს, რომ 2 თითი არის ჯვარცმასთან მიმართებაში და საერთოდაც მის ამ სიტყვებში სიტყვა "ჯვარცმა" საერთოდ არ არის ნახსენები".

ძველმართლმადიდებელი - შენი სიტყვები "ეს არის კლასიკური შემთხვევა ტექსტი წაიკითხო ისე, როგორც გაწყობს", არის აშკარა ცილისწამება. ამისთვის გავარჩიოთ რას წერს პატრ. იობი. ის თავიდანვე აღნიშნავს, რომ "ყოველ მართლმადიდებელ ქრისტეანს პირჯვრის გამოსახვა მართებს ორი თითით". ვფიქრობ, სადავო და საკამათო არ უნდა გახდეს ის, თუ რას ეწოდება აქ "ორი თითი პირჯვრისწერა". იმედია დამეთანხმები, რომ ეს არის ის წესი, რომელსაც ჩვენ, ძველმართლმადიდებლები მივსდევთ.

რატომ იწოდება პირჯვრისწერის ეს წესი "ორი თითით" პირჯვრისწერად, აქ ხომ სამი შეკრული თითიც არის, რომელიც წმ. სამების ერთობას გამოხატავს? იმიტომ, რომ ჯვართან მიმართებაში არის ორი და არა სამი თითი? რას ნიშნავს "ჯვართან მიმართებაში"? ამაში თვით პატრ. იობი გაგვარკვევს:

"ხოლო მლოცველებს პირჯვრისწერა მართებთ ორი თითით: ჯერ უნდა დაიდონ თავზე, შემდეგ მკერდზე, შემდეგ მარჯვენა მხარზე და მერე მარცხენაზე. ერთი თითის მოხრა (ორიდან - ძვმ.) ნიშნავს ქრისტეს გარდამოსვლას ციდან, ხოლო სწორად მდგომი თითი მის ამაღლებაზე მიანიშნებს, სამი თითი კი ერთად უნდა შევკრათ, რითაც განუყოფელ სამებას ვაღიარებთ. ეს არის ჭეშმარიტი პირჯვრისწერის წესი. ვისაც არ უყვარს უფალი ჩვენი იესუ ქრისტეს, დე იყავნ წყეულ".

იხილე რუსული დედანიც: "И молящися креститися подобает двема прьсты: преж положити на чело главы своея, таже на перси, потом же на плече правое, таже и на левое. Сгбение прьсту именует сшествие с небес, а стоящии перст указует взнесение Господне, а три персты равны держати — исповедуем Троицу Нераздельну, то есть истинное крестное знамение. Иже не любит Господа нашего Исуса Христа, да будет проклят". მთლიანად პატრ. იობის წერილი ქართლის მიტროპოლიტ ნიკოლოზისადმი შეგიძლიათ იხილო აქ: lt http://nasledie.russportal.ru/index.php?id=istina.iobpo

როგორც ხედავ, მე არაფერი დამიმახინჯებია და არ ვკითხულობ ტექსტებს ისე, "როგორც მაწყობს". პატრიარქი აშკარად მიუთითებს თუ რომელი თითები უნდა დავიდოთ შუბლზე, მკერდზე, მარჯვენა მხარზე და მარცხენაზე. ამიტომაც ვამბობთ, რომ პატრიარქი აქ განმარტავს ორი თითით პირჯვრისწერის წესს-თქო. რაც შეეხება ჩემს სიტყვებს "ჯვართან მიმართება", ან "ჯვარცმა", ეს არის ჩემი განმარტება. პატრ. იობს ამის თქმა არ დასჭირვებია. ეს მე მჭირდება დაგიღეჭოთ თქვენ ელემენტარული და აბსოლუტურად გასაგები განმარტებები, რომ დაგანახოთ დაწერილი მოწმობების შინაარსი. "ჯვართან მიმართება" კი ნიშნავს, რომ პირჯვარს სწორედ ამ ორი თითით ვიწერთ და არა იმ სამით, რომელიც ამასთანავე შეკრული გვაქვს სამების ერთობის აღსანიშნავად. ტერმინი "ჯვარცმა" კი გამოვიყენე იმისთვის, რომ აგიხსნა, ჯვარცმული იყო ქრისტე და არა სამება. წმ. კირილე იერუსალიმელიც ასე ითხოვს პირჯვრის გადაწერას: "ნუ შეგვრცხვება აღიარება ჯვარცმულისა და თითებით ვქმნათ ბეჭედი ჯვარიო". მრჩება შთაბეჭდილება, რომ ჯიუტად არ გსურს ცხადის დანახვა. უაზრო დავას არ ვაპირებ. თუ გაიგებთ, ხომ კარგი და, თუ არადა, ღმერთმა გიშველოს.

(ციტატა) (damiane80): "სხვაგან სამი თითით პირჯვრის წერაზე შენ ამბობ. მიუღებელია, რადგან თუ სამი თითი გამოხატავს სამების ერთარსობისადმი რწმენას, გამოდის რომ ჯვარცმულა წმ. სამება (ღმერთო მომიტევე!) და არა მაცხოვარი. გაუგებარია საიდან ეს განმარტება, შენ თუ დამისახლებ მსგავს განმარტების თუნდაც ერთ ავტორიტეტულ წყაროს (შენს გარდა), კი ბატონო მაშინ...

ძველმართლმადიდებელი - შენს ნაწერში გაუგებარია რის დამტკიცებას ითხოვ: იმისას, რომ სამი თითი სამების ერთობას გამოხატავს თუ იმისას, რომ სამი თითით პირჯვრისწერა არის წმ. სამების ჯვარცმა? თუ პირველს გულისხმობ, მაშინ პატრ. იობის განმარტებაში ეს პირდაპირ არის ნათქვამი. გარდა ამისა, რისი მტკიცება გინდა - სამი თითი რომ სამების სიმბოლოა? და რა, შენის აზრით ეს ასე არ არის? მაშინ თქვენს პირჯვრისწერაში რაღას ნიშნავს სამი შეკრული თითი? მაგრამ, ვგონებ, შენ უფრო მეორე პოზიციის დამტკიცებას ითხოვ, ანუ თუ სად არის ნათქვამი, რომ სამი თითით პირჯვრისწერა არის სამების ჯვარცმა?

მითხარი აღიარებ თუ არა წმ. კირილეს მოთხოვნას, რომ არ უნდა შეგვრცხვეს "აღიარება ჯვარცმულისა და თითებით ვქმნათ ბეჭედი ჯვარი"?

ეხლა მითხარი, ჯვარს ეცვა ვინ: ქრისტე თავისი კაცობრივი ბუნებით თუ სამება (ღმერთო მომიტევე!)?

თუ მეტყვი, რომ ქრისტე თავის კაცობრივი ბუნებით, მაშინ გკითხავ: წმ. კირილეს მოთხოვნის თანახმად, რომელი თითებით ქმნი "ჯვარცმულის" აღსარებას? სამით?

რომელია შეკრული თითებიდან ქრისტეს ორბუნებოვნების სიმბოლო, ორი თუ სამი?

რომელი თითებით ვქმნით ჯვარს, განა იმით არა რომელიც ჯვარცმულს გამოხატავს?

და თვით თითების მოძრაობის სიმბოლო (ზემოდან ქვემოთ - ზეციდან გარდამოსვლის და განკაცების; ქვემოდან აწევა მარჯვენა მხარზე და მერე გადატანა მარცხენაზე - მკვდრეთით ამაღლების, მამის მარჯვენით ჯდომისა და კვლავად მეორედ მოსვლის) ქრისტეზე არ მიანიშნებს?

რატომ უნდა დავიდოთ სამი თითი შუბლზე, მერე მკერდზე (ან ჭიპზე), ავამაღლოთ და დავიდოთ მარჯვენა მხარზე და მერე მარცხენაზე?

რატომ არის სამების სიმბოლო განკაცებისა და ჯვარცმის, მკვდრეთით ამაღლებისა და მამის მარჯვენით ჯდომის სიმბოლურ მომენტებთან მიმართებაში?

თქვენ სამი თითით ქმნით ჯვარცმულის აღსარებას. ასე წერენ კიდევაც თქვენი პატრიარქები და მოძღვრები თავიანთ კატეხიზმოებში და არ უფიქრდებიან რას ამბობენ.

ჯვარცმულის აღსარება თითებით უნდა გამოვსახოთ ორი თითით, ხოლო წმიდა სამებისა სამით. და სრულიად ცხადად არის ნათქვამი და გასაგებიცაა, თუ რატომ არის წინა პლანზე ორი თითი, რატომ ედება ის სხეულის იმ ნაწილებს, რომლებიც სიმბოლურად გამოხატავენ ზეციდან გარდამოსვლას, განკაცებას, აღდგომას და ამაღლებას...

მონოფიზიტები ამას აკეთებდნენ ერთი თითით და მართლმადიდებლებმა ისინი შეაჩვენეს, თქვენ რატომ უნდა შეგაქოთ იმისთვის, რომ დაუტევეთ მართლმადიდებლური წესი და თვითნებურად, ისევ ღვთაებრიობის გამომხატველი სიმბოლოთი იწერთ პირჯვარს?

რითი განსხვავდებით მონოფიზიტებისგან?

ისინიც და თქვენც, სიმბოლურ გამოხატულებაში ჯვარს აცვამთ ღვთაებას. განსხვავება მხოლოდ ერთშია, მონფიზიტებისგან განსხვავებით თქვენ დოგმატურ ღვთისმეტყველებაში არ ასწავლით სამების, ანუ ღვთაების ჯვარცმას. ამიტომაც, განა უფრო ჯეროვანი არ იქნებოდა, ის წესი გამოგეყენებინათ პირჯვრისწერისას, როგორი აღმსარებლობაც გაგაჩნიათ? ძალიან დიდი შეუსაბამობაა თქვენს დოგმატურად სრულიად სწორ აღმსარებლობასა და მასთან შეუსაბამო პირჯვრისწერას შორის.

შემდეგ, თქვენ (შენ და შენი მეგობრები ფორუმიდან) ითხოვთ გიჩვენოთ სამი თითით პირჯრვისწერის შემაჩვენებელი კრება ან რომელიმე წმიდა მამის გამონათქვამი.

ამასთან დაკავშირებით მინდა გითხრა, რომ მართლმადიდებლური ეკლესია კონკრეტულ კანონებს ღებულობს კონკრეტულ დროში წამოყენებული პრობლემიდან გამომდინარე.

მაგალითად, წმ. მოციქულთა 50-ე კანონში გადმოცემულია ნათლობის ფორმა, სამგზის შთაფვლა და აკრძალულია ერთგზისი. ცხადია, რომ ნათლობა უნდა ჩატარდეს მხოლოდ შთაფვლით და ეს კანონი მიღებულია ყველა დროისთვის. იმისათვის, რათა ეკლესიამ წარამარა არ მიიღოს კანონები ყველა იმ არასწორ წესებთან დაკავშირებით, რომლებიც შეიძლება მწვალებლებმა ათასგზის გადააკეთონ და სულ სხვადასხვა ინტერპრეტაციით შესთავაზონ ეკლესიას, მართლმადიდებელმა მამებმა გადმოსცეს და დააკანონეს ის, თუ როგორ უნდა იქნეს შესრულებული სწორი ნათლობა, თუმცა იქვე მიანიშნეს, რომ კონკრეტულ შემთხვევაში ეს კანონი მიღებული იყო ერთგზის შთაფვლის წინააღმდეგ.

აქედან თქვენ რა დასკვნები შეგიძლიათ გააკეთოთ? მხოლოდ იმიტომ, რომ 50-ე კანონში ნახსენები არ არის ორგზის შთაფვლით ნათლობა, ან ნათლობა დავდაყირა (ასე ნათლავდნენ ევნომეველნი), ან წყალპკურება ("ნათლობის" ეს წესი დაამკვიდრეს მწვალებელმა ლათინებმა), ამჯერად მკვიდრდება "აერობაპტიზმა", ანუ ჰაერში ნათლობა, და საქართველოშიც უწევენ პოპულარიზაციას... მაშ, მითხარით, შეიძლება ასეთი "ნათლობები"?... და კიდევ რამდენი მასხრობა შეიძლება მოიფიქროს ეშმაკმა დაარქვას მას "ნათლისღება" და დაამკვიდროს ეკლესიაში, მხოლოდ იმიტომ, რომ მოციქულთა 50-ე კანონში მათ შესახებ არაფერია ნათქვამი?
ასე შეიძლება იფიქროს მხოლოდ მწვალებელმა.

მართლმადიდებელი კი ფიქრობს, რომ 50-ე კანონში მოცემულია ის, თუ როგორ უნდა მოინათლოს ქრისტეანი და ვინც ასე არ მონათლავს, ის არ არის ნათელღებული.

ზუსტად იგივე უნდა ითქვას ორი თითით პირჯვრისწერის შესახებაც. რამდენი ფორმა შეიძლება მოიფიქროს ეშმაკმა ჭეშმარიტი პირჯვრისწერის გასაუქმებლად? ცხადია მრავალი... ეკლესიამ კი მარტივად მოუჭრა გზა ყოველგვარ სიახლეს და ამცნო ყველას თუ როგორ მართებს მართლმადიდებელ ქრისტეანს პირჯვრის გადაწერა - ორი თითი. ხოლო ეს კანონი, მან მიიღო კონკრეტული პრობლემიდან, მონოფიზიტობიდან გამომდინარე და დადო ყველა სხვა დანარჩენი შემთხვევისთვის.

ამდენად, სამი თითით (და ნებისმიერი სხვა წყობით) პირჯვრისწერის უარყოფა დევს თვით ორი თითით პირჯვრისწერის შესახებ კანონში: "ვინცა ვინ არა დასწერდეს ჯუარსა, ვითარ ეგრე ქრისტეცა, შეჩუენება!"

(ციტატა) (damiane80) "გარდა ამისა, თუ მასე შევხედავთ პირჯვრის გადაწერაში მონაწილეობს ხუთივე თითი (მთლიანად მარჯვენა ხელი) და არა მხოლოდ 2 თითი. ამის დასტურად ვიმოწმებ ისევ შენს მიერ მოყვანილ წყაროს: ბერი პეტრე დამასკელი, რომელიც ცხოვრობდა XII საუკუნეში (თუმცა ზოგიერთის მტკიცებით ის ცხოვრობდა უფრო ადრე), ამბობს, რომ პირჯვრის წერისას, ორი თითი და ერთი მკლავი ხელისა წარმოაჩენენ ჩვენს ჯვარცმულ უფალს იესუ ქრისტეს, რომელმაც ერთ იპოსტასში შეაერთა ორი ბუნება" (იქვე).უფრო შორს მიდის შენს მიერვე მოყვანილი ეს წყარო: ასე მაგალითად, XII საუკუნის ერთი ბერძენი ამხელს ლათინ მღვდელმთავრებს იმაში, რომ ისინი აკურთხებენ ხუთი თითით, ხოლო პირჯვარს, მონოთელიტთა მსგავსად, იწერენ ერთი თითით, "მაშინ, როდესაც თითები ჯვრის ნიშის გამოხატვისას ისე უნდა იყოს განლაგებული, რომ მით აღინიშნებოდეს ქრისტეს ორი ბუნება და ღვთაების სამი იპოსტასი". აქაც ხაზგასმულია, რომ თითებით ჯვრის ნიშის გამოხატვისას უნდა აღინიშნებოდეს როგორც ქრისტეს 2 ბუნება, ისე სამებაც... თუმცა რა თქმა უნდა, ამას არავინ განმარტავს ისე, როგორც შენ (და არ გავიმეორებ ახლა ამას)".

ძველმართლმადიდებელი - რას არ განმარტავს ისე, როგორც მე? ან მე რას განვმარტავ? მე არაფერი განმიმარტავს, - განმარტავენ ძველი მართლმადიდებელი მამები (არასწორი პირჯვრისსაწერი თითების ფორმულის შეჩვენება მე არ მიმიღია და არ დამიმკვიდრებია ეკლესიაში), გაჩვენეთ ზოგიერთი მამის განმარტებაც (მაგ. პეტრე დამასკელის, წმ. პატრ. იობის), გაჩვენეთ ისტორიული მაგალითები, ასევე მაგალითი პატერიკიდან ("ლიმონარი"), დაგიმოწმეთ ძველი ხატები (კიდევ ბევრს დაგიმოწმებთ).

თქვენ რომელი ერთი მიჩვენეთ სამი თითით პირჯვრისწერის დასამტკიცებლად? ან ისტორიული წყარო, ან წმიდა მამის განმარტება, ან ძველი საეკლესიო კანონი? თუმცა რაც არ არსებობს იმას როგორ მიჩვენებთ...

თქვენ არ გაგაჩნიათ არც ერთი ძველი და ავტორიტეტული წყარო, რომელიც გაამართლებდა ამ უკეთურ ჩვეულებას... იმოწმებთ, მხოლოდ რეფორმატორთა სწავლებებს, რომლებიც ჩვენთვის არანაირი ავტორიტეტი არ არის. თანაც, არც იმათ განმარტებებშია მითითებული რომელიმე ძველი წმიდა მამა ან კრება და თავიდან ბოლომდე ეწევიან თვითშემოქმედებას...

შემდეგ მეტად "მახვილგონივრულად" შენიშნავ: "ნუ, თუ შენ საკუთარ წყაროების არ გჯერა, მაშინ ვეღარაფერს ვიზამ..."

ჩემი წყაროებისა მე არ მჯერა?

რა არ მჯერა და რას ამტკიცებენ ჩემს მიერ დამოწმებული წყაროები? იმ სისულელეს, რასაც სამი თითით პირჯვრისწერა ჰქვია? სად ნახეთ ასეთი მოწმობა?

ჩემი მოწმობებისა არ გჯერათ თქვენ! და სრულიად უსაფუძვლოდ, საკუთარი უსუსურობის გასამართლებლად კი უბრალოდ ეწევით დემაგოგიას. არ მაქვს არანაირი სურვილი ჩავება დემაგოგიაში, რადგან წმიდა წერილში ნათქვამია: "მწვალებელსა კაცსა შემდგომად ერთისა და ორისა სწავლისა განეშორე. უწყოდე, რამეთუ გარდაგულარძნილ არს ეგევითარი იგი და ცოდავს და არს იგი თვით დაშჯილ" (ტიტ. 3:10-11).

(ციტატა) (damiane80): "სავალდებულო და დოგმატური წესია, რომ პირჯვრის წერა გამოხატავდეს მაცხოვრის 2 ბუნებას და სამების ერთარსებას. ამის ზევით რაც არის, ეს წმინდა წყლის შენი ფანტაზიის ნაყოფია და ნუ გეწყინება".

ძველმართლმადიდებელი - "ვინცა ვინ არა დასწერდეს ჯუარსა ორითა თითითა, ვითარ ეგრე ქრისტეცა, შეჩუენება!" (მონოფიზიტთა მიღების წეს-განგება. "ასმუხლიანი" კრება), - აი, ამ განწესების უგულებელყოფა და სამი თითით პირჯვრისწერის მართლმადიდებლურობის მტკიცება კი არის შენი ფანტაზიის ნაყოფი. თითქოს რაღაც დანაშაულში ვიყო გამოჭერილი, რიხიანად აგრძელებ: "ეს რაც შეეხებოდა შინაარს, ახლა წყაროები განვიხილოთ":

(ციტატა) (damiane80) 1. შენი უპირველესი არგუმენტია წმინდა არსენ იყალთოელის "დოგმატიკონიდან" სიტყვები: "ვინცა ვინ არა დასწერდეს ჯუარსა ორითა თითითა, ვითარ-იგი ქრისტეცა, შეჩუენება!"; ამ სიტყვებს საკმაოდ ხშირად გვახსენებ და წინა პოსტებში კიდევ ერთხელ შეგვახენე განკითხვის დღის მოლოდინში, თუმცა უნდა ითქვას, რომ ამ სერიოზულ საკითხზე არგუმენტი შენ თავად გაქვს მოყვანილი. კერძოდ: "ეს წესი არსენ იყალთოელის "დოგმატიკონშია" მოცემული და მას ეწოდება "შეჩუენებაი იაკობიტთა და ყოველთა ერთ ბუნებიანთანი, რომელთა თანა არიან სომეხნიცა". ტექსტში, რომელიც ბერძნულიდან არის თარგმნილი, ჩამოთვლილია იაკობიტური (და მონოფიზიტური) ცთომილებანი, რომელთაც ანათემას უთვლის ამ მწვალებლობიდან მართლმადიდებლობად მოქცეული ქრისტეანი. მასში ნათქვამია: "რომელი საძაგელისა მისგან წვალებისა იკობიტთა და ხაჩეცართაისა უბიწოსა მართლმადიდებელთა ქრისტეანეთა სარწმუნოებასა ყოვლითა სულითა და გულითა მოუხდებოდის, შეჩუენებაი თანა-აც ყოველთავე აქა მოხსენებულთაი". მათ შორის: "ვინცა ვინ არა ნათელსცეს სამითა შთაფლვითა სახელსა ზედა მამისა, და ძისა, და სულისა წმიდისა, შეჩვენებულ იყავნ!" "ვინცა ვინ არა დასწერდეს ჯუარსა ორითა თითითა, ვითარ-იგი ქრისტეცა, შეჩუენება!" (მაია რაფავა. "უცნობი ავტორის ანტიმონოფიზიტური ტრაქტატი". ჟურნ. "მაცნე". ენისა და ლიტერატურის სერია. 1975 წ. # 1. გვ. 29).

ქ-ნი მაია რაფავა პუბლიკაციაში აცხადებს, რომ "ყველა ბრალდება, - რომელიც "შეჩვენებაში" არის გადმოცემული, - თეორიულად ცნობილი და პრაქტიკულად დაკანონებული იყო მის დროს" (იქვე. გვ. 28). აქედან კი გამომდინარეობს, რომ არსენ იყალთოელის დროს ორი თითით ჯვრის გამოსახვა როგორც პირჯვრისწერისთვის, ასევე კურთხევის გასაცემად დოგმატური შინაარსის მატარებელი და ქართულ საეკლესიო პრაქტიკაში დამკვიდრებული წესი იყო. სწორედ ამ წესს უარყოფდნენ მონოფიზიტები (აქედან გამომდინარეობს ბრალდებაც) და, როგორც პროფ. კაპტერევის მოწმობიდანაც ჩანს, თავიანთი დოგმატური შეხედულებისამებრ, კერძოდ ქრისტეს ერთბუნებოვნების აღსანიშნავად, ერთი თითით გამოხატავდნენ ჯვარცმული ქრისტეს აღსარებას".

ანუ სრულიად ნათელია, რომ ეს წესი მიღებულია სწორედ დოგმატური შინაარსის ცვლილების საწინააღმდეგოდ (ქრისტეს ერთი ბუნების საწინააღმდეგოდ). ეს წესი საერთოდ არ მსჯელობს 3 თითით პირჯვრის გადაწერის საკითხზე, რადგან როგორც ჩანს ეს საკითხი, მაშინ უცნობი იყო. ამას შენც ადასტურებ. არსენ იყალთოელის დროს კი სამი თითით პირჯვრისწერა არ არსებობდა და როგორ უნდა გამოეხატა ეკლესიას თავისი პოზიცია იმის მიმართ რაც არ იყო?იყო ერთი თითით პირჯვრის წერის წესი და გამოხატა კიდეც თავისი დამოკიდებულება მის მიმართ, - გადასცა ანათემას!

ძველმართლმადიდებელი - ამ გრძელ ტიარადას არ შემოძლია არ ვუპასუხო რეპლიკით: დიდება ღმერთს! როგორც იქნა აღიარე, რომ XI-XII საუკუნეებში სამი თითით პირჯვრისწერა არ არსებობდა (არსენ იყალთოელი ცხოვრობდა ამ საუკუნეების მიჯნაზე).

(ციტატა) (damiane80): "ამგვარად, ერთი თითით პირჯვრის გადაწერის შეჩვენება განაპირობა სწორედ იმან, რომ 1 თითით პირჯვრის წერა ნიშნავდა ქრისტეს ერთი ბუნების აღიარებას, ხოლო 2-ით ორბუნებიანობის აღიარებას, რაც დოგმატური სხვაობაა მონო და დიოფიზიტებს შორის. აქედან გამომდინარე, შენთვის მომინდვია დასკვნა იმაზე, შეაჩვენებდა თუ არა არსენ იყალთოელის დოგმატიკონი პირჯვრის წერის წესს, რომელიც ქრისტეს 2 ბუნებას და სამების ერთარსებას აღიარებს..."

ძველმართლმადიდებელი - სწორია, არსენის დროს არ არსებობდა სამი თითით პირჯვრისწერა და ეს ფორმულა სწორედ არასწორი პირჯვრისწერის წინააღმდეგ იქნა მიღებული, რომელიც იმ დროს ვრცელდებოდა. თუ როგორ და რა პრინციპით ღებულობს ეკლესია კანონებს, მე ზემოთ მოკლედ გადმოვეცი, აქ აღარ განვმეორდები, ვიტყვი მხოლოდ ერთს, რომ დღეს ამ ფორმულას ჩვენ ვიყენებთ იმ წესის წინააღმდეგ, რომელიც "ჯვარცმულის აღსარებას" გამოხატავს სამი თითით.

ჯერ შუბლზე იდებს ამ სამ თითს, ზეციდან გარდამოსვლის ნიშნად, მერე მუცელზე განკაცების ნიშნად, მერე მარჯვენა მხარზე აამაღლებს, მკვდრეთით აღდგომისა და ამაღლების ნიშნად და ბოლოს, მარცხენა მხარზე მეორედ მოსვლის ნიშნად. და აი, ასე შეურაცხყოფთ წმიდა სამებას! პეშვით იწერთ პირჯვარს და არც გრცხვენიათ!

თქვენს პირჯვრისწერასა და ხინკალზე წიწაკის მოსაყრელ თითების კომბინაციებს შორის განსხვავება არ არის! არ დავიღლები დიოფიზიტური აღმსარებლობის აღმომთქმელი წესისა და მისი დამცველი საეკლესიო განჩინების დამოწმებით. თქვენ ჭეშმარიტად გეხებათ ეს: "ვინცა ვინ არა დასწერდეს ჯუარსა, ვითარ ეგრე ქრისტეცა, შეჩუენება"!

ამინ! შეჩუენება ყველას, ვინც პირჯვარს არ იწერს ორი თითით და იწერს სამით!

(ციტატა) (damiane80): 2. მეორე წყაროდ შენ უთითებ ასმუხლიან კრებას (1551) წელს და ამბობ, რომ "ასმუხლიანი" კრების (1551 წ.) მიერ ეს კრულვა, ასევე ქრისტოლოგიური და ტრიადოლოგიური დოგმატის დარღვევის საპირისპიროდ, უკვე სამი თითით პირჯვრისმაწერალთა საწინააღმდეგოდ იქნა მიღებული. ამის დასადასტურებლად მოგყავს უდიდესი რუსი მკვლევარის ზენკოვსკის სიტყვები: "собор решительно настоял, чтобы русская церковь пользовалась древним двухперстным знамением и запретил пользоваться "новым" трехперстным знамением, введенным в греческой церкви в тринадцатом-четырнадцатом веке, которое начало в то время" (ე.ი. 1551 წლისთვის, როდესაც მოწვეულ იქნა "ასმუხლიანი" კრება) распространяться и в России (С. Зенковский. "Русское старообрядчество", Москва, "Церковь", 1995 г., стр. 37). ან მე არ ვიცი რუსული, ან ზენკოვსკი წერს სხვა რამეს, გთხოვ მითხრა "собор решительно настоял"-ში კრულვის შეთვლა იგულისხმება?...

ძველმართლმადიდებელი - რას ფილოსოფოსობ ბიძიკო? კრულვა თვით კრების მიერ მიღებულ ფორმულაშია მოცემული. ზენკოვსკი კი იმ განწყობას გადმოგვცემს რაც ამ ფორმულის განმცხადებელ მამებს ჰქონდათ სამი თითით პირჯვრისწერასთან დაკავშირებით. ზოგჯერ ვფიქრობ, ძალიან რთული ტექსტები ხომ არ მოგეცით გასარჩევად? თან მგონია რუსულიც არ გესმით ჯეროვნად...

(ციტატა) (damiane80): ამ წყაროზე სხვას ვერაფერს ვიტყვი, რადგან რაც მოიყვანე ტექსტი რუსულად, არ ადასტურებს იმას, რაც წერ ქართულად... თუ გასწორდება ეს საკითხი, შემდეგ ვიმსჯელოთ ამაზე. გარდა ამისა, საგულისხმოა, რომ ეს წესი (სამი თითით პირჯვრის წერისა, სულაც არ ყოფილა რუსული, როგორც თავიდან გეგონა, არამედ ჯერ კიდევ 13-14 საუკუნის (ანუ ნიკონის რეფორმადე 4 საუკუნით ადრინდელი ყოფილა) და თანაც ბერძნული. ამდენად, საინტერესო უნდა იყოს, როგორ მოხდა საბერძნეთში 3 თითით პირჯვრის წერის გავრცელება და ბერძნული ეკლესია, რომელიც მანამდე კბილებით იცავდა ეკლესიას მონოფიზიტებისაგან, რატომ მიიღო ეს "მკრეხელური" წესი (ღმერთო შემინდე), როგორც შენ ამბობ. იქნებ საბერძნეთშიც ცეცხლითა და მახვილით გავრცელდა იგი?

ძველმართლმადიდებელი - მე არსად მითქვამს, რომ სამი თითით პირჯვრისწერა რუსული წესია. მე ვთქვი, რომ ასმუხლიანმა კრებამ ორი თითით პირჯვრისწერის დამამტკიცებელი და ყოველი სხვაგვარი პირჯვრისწერის უარმყოფელი ფორმულა მიიღო სამი თითით პირჯვრისწერის წინააღმდეგ, რომელიც იმხანად ვრცელდებოდა რუსეთში.

(ციტატა) (damiane80): 3. ხატებზე მითითებას რაც შეეხება, შენ ამბობ: "დანარჩენი თითების წყობიდან სახელობითი კურთხევის წყობა ასევე არის უცნობი, ხოლო სხვა წყობები, (მაგ. ანჩისხატისა) არ გამოხატავს საკურთხებელ ან პირჯვრისსაწერ კომბინაციას. ისინი, მეცნიერთა აზრით, არის მოქმედების, დინამიურობის, მქადაგებლური ჟესტის გამოხატულება..."

ასე პირველკლასელები ცდილობენ თავის დაძვრენას...

ძველმართლმადიდებელი - ვინ ცდილობს დაძვრენას კარგად ჩანს შენი "მსჯელობიდან". მე დასაძვრენი არაფერი მჭირს. და თუ მაინცადა მაინც შენსას დაიჩემებ, მაშინ გამოდის, რომ ასე "დაძვრენას" "ცდილობს" პროფ. ე. გოლუბინსკი. ეს მან თქვა, რომ მართლმადიდებლურმა ხატმწერლობამ მრავალი იდეა და ფორმა გადმოიღო წარმართული ფერწერიდან და მისცა მას ქრისტეანული შინაარსი. თუ ჩემი არ გჯერათ, მაშინ იქნებ გამარკვიოთ რას გულისხმობს მაგალითად, თითების წყობის ქვემოთდამოწმებულ ხატზე ნაჩვენები ფორმა (იხ. წმ. ილია წინასწარმეტყველის და წმ. ბესარიონის ხატები).

სურ. 14
ღირ. ბესარიონი



სურ. 15
წმ. წინასწარმეტყველი ილია

რა არის ეს, რა წყობაა (ძალიან წააგავს, ღმერთმა მაპატიოს და "მანო კორნუტოს": http://www.apocalypse.ge/apostasia_mano_cornuto.html

"პირჯვრისსაწერი" კომბინაციაა ეს თუ "კურთხევის" გასაცემი?

(ციტატა) (damiane80): "დაიდოს "აღმსარებელმა" ასეთი ხატები და ივარჯიშოს..." ხატების საკითხი შენი წამოწეულია ამ თემაში, ამიტომ შენც რომ გაივარჯიშო მაგალითად ქვემოთ მოყვანილ საკითხზე არ გაწყენს. კერძოდ: ქრისტეს მონოგრამის შესახებ, ერთგან შენ წერდი შემდეგს: "რაც შეეხება იესუს სახელის გამოსახვას თითებით, ეს არის აბსურდი, რომელიც ნიკონ პატრიარქის რეფორმების დროს დაამკვიდრეს ბერძნებმა რუსეთში, შემდეგ კი რუსმა ეგზარქოსებმა საქართველოში. მე ვლაპარაკობ სახელობით წყობაზე, IС XC, რომელიც ქრისტეანობის ადრინდელ ძეგლებში, არსად, არ მოიხსენიება. პროფ. გოლუბინსკის ვარაუდით ეს სიმბოლო შემოვიდა დაახლ. 16-ე - 17-ე საუკუნეების საბერძნეთში და მისგან დამკვიდრდა დანარჩენ მსოფლიოში". ხოდა რა ხდება ახლა, ეს "მე-16-მე-17 საუკუნის მონოგრამა" (როგორც შენ უწოდებ) შენს მიერვე მითითებულ უძველეს ხატებზეა გამოსახული, სადაც მაცხოვარს 2 თითიანი წყობა აქვს, ანუ გვაქვს 2 თითიანი წყობაც და ქრისტეს მონოგრამაც, თუ ეს ზღაპარია და ეგზარქოსების მოგონილი, როგორ აღმოჩნდა ამ ხატებზე ხომ ვერ მეტყვი?

ძველმართლმადიდებელი - ჩემო ძვირფასო, მე ხატებზე გამოსახულ მონოგრამაზე კი არ ვლაპარაკობ, როცა ვამბობ, რომ IC XC გაჩნდა 16-17-ე საუკუნეებში, არამედ ამგვარი ლიტერების გამომხატველ თითების წყობას ვგულისხმობდი. იბრძვი არაკორექტული ხერხებით და გიხარია? საკუთარ უმეცრებას წარმოაჩენ უმალ... გადახედე რას ვწერ მე და შენ რის დამტკიცებას ცდილობ... საზოგადოდ კი, შენც და შენნაირებს, ერთხელ და სამუდამოდ ვთხოვ დაიმახსოვრონ, ლაპარაკია არა ხატებზე გამოსახულ ანაგრამაზე, არამედ თითების კომბინაციაზე, რომლითაც "აკურთხებენ" თქვენი მღვდლები და ეს სხვადასხვა რამეა... და თუ რატომ გეშლებათ ერთი მეორეში ეს ორი საგანი, ძნელი მისახვედრი არ არის... გეტყოდით, რომ არა მოდერატორი...

(ციტატა) (damiane80): 4. და ბოლოს, კიდევ ერთი საკითხი, რომელზედაც შენი აზრი მაინტერესებს, არის ისტორიული ფაქტი, რომელიც წინა პოსტებში ითქვა, რომ რუსეთში,რეფორმის პერიოდში, ძველმართმადიდებლები და რეფორმის მიმდევრები მთელი 10 წლის განმავლობაში ინარჩუნებდნენ ევქარისტიულ კავშირს (სანამ კრება ჩატარდებოდა); ანუ 10 წლის განმავლობაში ერთი სამი თითით იწერდა პირჯვარს, მეორე 2-ით, მაგრამ მათ შორის ევქარისტიული კავშირი არ შეწყვეტილა... და ვინ იცის ის კრება რომ არ ჩატარებულიყო და 2 თითი პირჯვრის გადამწერები არ შეეჩვენებიათ, დარჩებოდა ისე როგორც იყო - ანუ ნაწილი 2 თითი დაიწერდა პირჯვარს ნაწილი სამით, მაგრამ ყველანი იქნებოდნენ ერთი წმინდა მართლმადიდებელი სამოციქულო ეკლესიის შვილები. აქედან 2 კითხვაა, თუ სამი თითით პირჯვრის წერა მწვალებლობაა, მაშინ რით აიხსნება ასეთი ევქარისტიული ერთობა (თუნდაც ფორმალურ დონეზე)?

ძველმართლმადიდებელი - დეკანოზი ამბაკუმი მთელი ამ პერიოდის განმავლობაში განიცდიდა სასტიკ დევნას, ისევე როგორც დანარჩენი მართლმადიდებლები. მეტიც, მიმდინარეობდა მართლმადიდებელი ქრისტეანების ულმობელი ხოცვა-ჟლეტა... ნამდვილად არ ვიცი, იხსენიებდა თუ არა ამბაკუმი ნიკონს ლიტურგიაზე... (ევქარისტული ერთობა კი ამას ნიშნავს). დეკანოზი ამბაკუმი გამუდმებით მიმართავდა მეფეს მოეხდინა ზეგავლენა პატრიარქისთვის, რათა არ განეხორციელებინა რეფორმები და არ გაეხლიჩა ეკლესია. თუ არ ვცდები, ამბაკუმმა სულ ხუთი არზა მისწერა მეფე ალექსი მიხეილის ძეს... ამ საკითხს მომავალში დეტალურად გამოვიკვლევ, თუმცა ეს არანაირად არ აკნინებს ძველმართლმადიდებლობას, პირიქით, თუ ევქარისტული ერთობა ჯერ კიდევ ნარჩუნდებოდა, ძველმორწმუნეთა კეთილ ნებას უფრო წარმოაჩენს, თუმცა ევქარისტული ერთობა რომც გაეწყვიტათ არც ეს იქნებოდა დანაშაული... ამის უფლებას იძლეოდა საეკლესიო კრებათა დადგენილებები...

(ციტატა) (damiane80): რაც შეეხება შენს დამრიგებლურ მოწოდებებს, მართლა დარწმუნებული ვარ რომ მხოლოდ გულწრფელი განზრახვები გამოძრავებს შენი მოსაზრებებიდან გამომდინარე, მაგრამ ახლა წარმოიდგინე შენ იგივე მქადაგებლური ტონით და გულწრფელი განზრახვებით აპოლეგიტიკის განყოფილებაში გვიქადაგებდა "მოყვასი" (რასელისტი), Otherguy (არიანელი) და სხვანი და სხვანი. ჩვენ გვჯერა თქვენი გულწრფელობის, მაგრამ უფრო მეტად გვწამს უფალი ჩვენი იესო ქრისტეს მოძღვრების და ამ მოძღვრების არსის რომელშიც ფორმა მოცემულია მხოლოდ შინაარსის გადმოსაცემად და მთავარი შინაარსია... (მით უფრო, როდესაც ფორმა მწვალებლობად შერაცხის საფუზველი ხდება)... შაბათი შეიქმნა კაცთათვის და არა კაცი შაბათისათვის.

პირჯვრის წერის წესში ჩვენ მოვიაზრებთ სამებას ერთარსებას და ქრისტეს 2 ბუნებას (ისევე როგორც თქვენ), მაშინ რატომ გვიწოდებთ მწვალებლებს, შე დალოცვლილო, შაბათი შეიქმნა კაცთათვის და არა კაცი შაბათისათვის. საკუთარ თავს მაინც კითხე, თუ ასეთი მწვალებლობა იყო, როგორ მიიღო ეს წესი საბერძნეთმა (რომ რაიმე კრებები არ არის ცნობილი) ან სხვა ქრისტიანულმა ქვეყნებმა. ამაზე პასუხი არ არის...

ძველმართლმადიდებელი - მითხარი, არის თუ არა მწვალებლობა პასექის აღნიშვნა ებრაელებთან ერთად? თუ არ იცი გაეცანი პირველი მსოფლიო კრების მამათა განწესებას ამ საკითხზე და მოციქულთა მეშვიდე კანონს. ასევე ანტიოქიის კრების პირველ კანონს.

ეხლა კი მიპასუხე: თუ ეს ასეთი მწვალებლობა იყო, როგორ ან რატომ დღესასწაულობდნენ ასიელი ქრისტეანები პასექს ებრაელებთან ერთად მთელი სამი საუკუნის განმავლობაში, პირველ მსოფლიო კრებამდე?

მომიტევე და ტვინი რომ არ გეღრძოს და კიდევ რაიმე სისულელე არ წამოგცდეს, გეტყვი: ეს დაშვებული იყო იკონომიით. მაგრამ არ იყო ნამდვილი მართლმადიდებლური გადმოცემის შესაბამისი. თუმცა, როდესაც ქრისტეანებს შორის ამ განსხვავებამ წარმოშვა დავა თუ რომელი წესი უფრო იყო მართებული და საჭირო გახდა მისი აუცილებელი გადაწყვეტა, პირველმა მსოფლიო კრებამ მიიღო საბოლოო დადგენილება.

ამიერიდან პასექს, ანუ ქრისტეს აღდგომას ზეიმობენ გაზაფხულის ბუნიობიდან პირველ კვირას, ებრაელთა პასექის შემდეგ, კვირა დღეს. და ვინც ამ კრებისა და ამ დადგენილების შემდეგ ასე არ იზეიმებს არის მწვალებელი და ღვთის პირისგან შეჩვენებული.

ასე იმსჯელე ამ შემთხვევაშიც. სამი თითი ნელ-ნელა დამკვიდრდა საბერძნეთში, ისევე როგორც მრავალი არასწორი ჩვეულება, მაგრამ ამის შესახებ ჯერ კიდევ არ ლაპარაკბოდნენ, სანამ ეს არ გახდა სასტიკი დავის და კამათის საგანი. ხოლო ამიერიდან, როდესაც ამ არასწორი წესების გამო დახოცილია უამრავი ქრისტეანი და დადგენილია ჭეშმარიტება ძველი წესებისა, ეს სიახლენი უნდა იქნეს უკუგდებულ.

(ციტატა) (damiane80): ჩვენი მართლმადიდებლური წესი 2 თითი პირჯვრის წერას და მით უფრო შთაფვლით მონათვლას მიიჩნევს სწორად (მით უმეტეს რომ შთაფვლით ნათლობა დღესაც ზალიან ხშირია ჩვენს ეკლესიაში), ეს შენ გვიწოდებ მწვალებლებს და მოუნათლავებს და აქედან გამომდინარე თავადვე განსაზღვრე, ვინ უნდა მოთოკოს თავისი პატივმოყვარება და გადადგას ნაბიჯი მოყვასისაკენ.

ძველმართლმადიდებელი - რას ნიშნავს: "ძალიან ხშირია"? წყალპკურება საერთოდ არ უნდა არსებობდეს. თქვენ ზოგს ასე ნათლავთ, ზოგს - ისე. თუ შთაფვლა სწორია და წყალპკურება არა, რა დააშავეს იმ ადამიანებმა, რომლებსაც წყალპკურებით "განუნათლავად დაუტევებთ ბნელში"?

(ციტატა) (damiane80): ერთობის იმედით.

ძველმართლმადიდებელი - ღმერთმა ქნას...

(ციტატა) (agmsarebeli): "ხოდა სანამ ტყეში შევალ ისევ გეკითხები: აღიარებ თუ არა ერთი თითით ჯვრის გამოსახვას. ასევე პირჯვრის გამოსახვას ერთი თითით? და რატომაა თქვენს საიტზე ივერიის ღვთისმშობლის ხატი განგებ დამახინჯებული(ვგულისხმობ იმას, რომ მაცხოვრის მაკურთხეველი მარჯვენა სამი შეკრული თითითაა წარმოდგენილი), როცა სინადვილეში ორი შეკრული თითით(ცერით და არათითით) აკურთხევს? სიყალბესთან თუ გაუგებრობასთან გვაქვს საქმე?"

ძველმართლმადიდებელი - ძვირფასო "აღმსარებელო", ჯერ ერთი, შენ პასუხი უნდა გამცე წმ. მელეტისთან დაკავშირებულ ჩემს შეკითხვებზე. ჯერ დავამთავროთ მსჯელობა ამ შემთხვევასთან დაკავშირებით და მერე გადავიდეთ შენთვის საინტერესო სხვა შეკითხვებზე.

მეორე, გამარკვიე თუ შეიძლება რას გულისხმობს "აღიარებ თუ არა ერთი თითით ჯვრის გამოსახვას?" დაწერე პირდაპირ რისი თქმა გინდა, რა საჭიროა ეს გამოცანები? რაც შეეხება ერთი თითით პირჯვრის გამოსახვას, ეხლა მეკითხები აღიარებ თუ არაო? მანამდე გეძინა? არ წაგიკითხავს ერთი თითით პირჯვრისწერაზე რა მასალა დავდე და რა დავწერე?

და მესამე, რას ნიშნავს: "რატომაა თქვენს საიტზე ივერიის ღვთისმშობლის ხატი განგებ დამახინჯებული?"

საიტზე არაფერია დამახინჯებული! ეს არ არის პორტაიტისას დედანი, ასლია, მაგრამ თითები აქვს ზუსტად ისე, როგორც ასლზეა.

რამოდენიმე რუსულ (არაძველმოწესეობრივ) საიტებზე ვნახე აღწერილობა ამ ხატის.

აი ერთ ერთი:

"Доска вытянутая, фигуры заполняют почти все пространство ковчега. Изображение Богоматери поясное, голова слегка склонена к Младенцу Христу, правая рука поднята в молитвенном жесте на уровне груди. Богомладенец сидит на левой руке Матери высоко и прямо, в легком повороте к Ней, голова немного откинута назад. Правая рука Младенца вытянута вперед к руке Богоматери с благословляющим двуперстно жестом" (http://www.pravenc.ru/text/293359.html)

ასე, რომ დავანებოთ რა თავი ამ უაზრო კინკლაობას ივერიის ხატთან დაკავშირებით. მასზე მაცხოვარს თითები აქვს გამოსახული ორი თითით. სხვათა შორის, იქვე, საიტზე გამოქვეყნებულია ამ ხატის დედანი.

კანუდოსელი - თუ ერთ თითს ვაჩვენებ, ამით არამც და არამც არ შემიძლია ვთქვა, რომ ღმერთი ერთია და სხვა შინაარსი არ ჩავდო?

ძველმართლმადიდებელი - გამარჯობა "კანუდოსელ". ჩემი შენდამი პატივისცემის მიუხადავად არ შემიძლია არ აღვნიშნო, რომ რატომღაც ლაპარაკი სადღაც სხვაგან მიგყავს. არავის არაფერი აქვს საწინააღმდეგო ერთ თითთან, როდესაც მას პირჯვრის საწერად არ იყენებენ. ცნობილია, თითით ჯვრის გამოსახვის შემთხვევები.

მახსენდება ასეთი მაგალითი (ოღონდ ეხლა ექსპრომტად ვწერ და მიჭირს უცებ წყაროს მოძიება. ვგონებ ეს წერია წმ. გრიგოლ დეოლოღოსის "იტალიელ მამათა გასაუბრებებში"). ერთ მონასტერში ერთ წმიდა მამას მამას ჰქონდა პურის ცხობის ასეთი ჩვეულება, სანამ პურს ღუმელში შესდებდნენ ცომზე თითით უნდა გამოესახა ჯვარი, რათა გამომცხვარ პურზეც ჯვარი ყოფილიყო აღბეჭდილი. ცხადია, არავინ დაიწყებს იმის მტკიცებას ("აღმსარებელის" და "კინოტელის" გარდა...), რომ ეს არ არის არც კურთხევა და არც პირჯვრისწერა. ეს უბრალოდ ჯვრის "დახატვაა", "დახაზვაა" ცომზე. ჩვენც შეგვიძლია იგივე ვქნათ და გამოვაცხოთ პურები და ამაში არავითარი მონოფიზიტობა არ იქნება.

მაგრამ, ერთხელაც, წმიდა მამას დაავიწყდა ღუმელში პურის შედებამდე ცომზე ჯვრის გამოსახვა, ხოლო როცა გაახსენდა გვიანღა იყო. მაშინ, წმიდა მამა დადგა ღუმელის წინ და ჰაერში, დისტანციურად გადასახა პურს თითით ჯვარი და ჰოი საოცრებავ, ღუმელიდან პური რომ გამოიტანეს, მასზე ჯვარი აღბეჭდილიყო.

აი, ასეთი მაგალითების დამოწმება უნდა "აღმსარებელს" და ერთი კვირაა "მეჩალიჩება" ერთი თითით ჯვრის გამოსახვა აღიარეო...

შენ მაინც განსაჯე გონივრულად, - რაზეა ლაპარაკი?! იმაზე, რომ უბრალოდ კაცმა თითით რაღაც საგანზე ჯვარი დახატოს, თუ თითი ან თითები მართლმადიდებლური აღმსარებლობის ნიშნად აღმართოს და ჯვარი გამოსახოს? განა ეს ერთი და იგივეა?

შემდეგ, ჩვენ რა ვიცით "კანუდოსელ" ვის რა აქვს თავში და რა შინაარსს ჩადებს თითების წყობაში. ორი თითითი იწერდნენ პირჯვარს ნესტორიანელებიც და თავიანთ უკეთურ სწავლებას უკავშირებდნენ მას. მაგრამ ამის გამო ორი თითით პირჯვრისწერა არავის უარუყვია... (კი ამბობენ, ამის გამო შემოიტანესო სამი თითით პირჯვრისწერა, მაგრამ მგონი ეს საკითხი საფუძლიანად არის გარჩეული ჩემს წინა პოსტებში, სადაც დავდე მასალა თითების წყობის "განვითარების" თეორიის უსუსურობის შესახებ).

და კიდევ, იმ პრინციპით რომ იცვლებოდეს მართლმადიდებლური წესი, რომ მწვალებლებიც მისდევენ მას, მაგრამ სხვა შინაარსს დებენ მასში, მაშინ თვით სამი თითით პირჯვრისწერის წესიც შესაცვლელი იქნება (და ბევრი სხვა რამეც მართლმადიდებლური პრაქტიკიდან), რადგან უნიატი "მართლმადიდებლები", რომლებიც უცილობლივ აღიარებენ რომის პაპის პრიმატს და სწავლებას სულიწმიდის ძისგან გამომავლობის შესახებ, ცხადია ამ მწვალებლობას ("ფილიოკვეს") მოიაზრებენ თავიანთ სამ თითში. რაღა უნდა ვქნათ ამ შემთხვევაში?

ჩვენ, მართლმადიდებლებს თითები არ შეგვრჩება ხელზე მწვალებლების შეხედულებების გამო წარამარა თუ ვცვალეთ პირჯვრისაწერი წყობები.

ამიტომაც მოდი, დავანებოთ თავი ამ სხვაგან გადასვლებს და პირდაპირ ვაღიაროთ, რომ სამი თითით პირჯვრისწერის შემოტანა იყო შეცდომა და ყველა მართლმადიდებელი უნდა დაუბრუნდეს თავის ბუნებრივ, ძველ და ჭეშმარიტად მართლმადიდებლურ წესს - ორი თითითი პირჯვრისწერას.

პატივისცემით. ძველმართლმადიდებელი.

damiane80 - (ციტატა) (ძველმართლმადიდებელი): "თუ არა და წერა-კითხვა ისწავლე... მონოგრამა და თითების წყობაში იესუს სახელის გამოსახვა გეშლება ერთმანეთში. მონოგრამაზე მე არ მითქვამს ეგზარქოსულიაო... ეგზარქოსული შენი აზროვნებაა..."

უნამუსობასაც აქვს საზღვარი და შეურაცხყოფასაც და თავს ნუ გაგივა შენ მეგობარო, თუ დააკვირდები ჩვენს საუბრებში შეურაცხმყოფელ სიტყვებს შენ იყენებ , მე კიდე უკიდურესად კორექტული ვარ...და ბოლოს ბოდიშის მოხდა არ შველის ხოლმე მარტო საქმეს... ახლა მონოგრამას რაც შეეხება, ეს სიტყვები შენ არ გეკუთვნის?

(ციტატა) (ძველმართლმადიდებელი): მე ვლაპარაკობ სახელობით წყობაზე, IС XC, რომელიც ქრისტეანობის ადრინდელ ძეგლებში, არსად, არ მოიხსენიება. პროფ. გოლუბინსკის ვარაუდით ეს სიმბოლო შემოვიდა დაახლ. 16-ე - 17-ე საუკუნეების საბერძნეთში და მისგან დამკვიდრდა დანარჩენ მსოფლიოში.

გარდა ამისა, ამავე კონტექსტში, თუ გაიხსენებ შენ იყავი რომ გაიძახოდი, რატომ მაინდამაინც ბერძნული ასოებით უნდა ყოფილიყო ქრისტეს სახელი გამოსახული სხვა ენებმა რა დააშავესო, ასევე გაეჭვებდა ასო "C" ბერძნული წარმომავლობა და მას სლავურ ანბანს უკავშირებდი... (ანუ საუბარი იყო როგორც თითების წყობაზე, ისე მთლიანობაში მონოგრამაში ასოთა წყობაზეც).

მე არ მოგაყენებ შეურაცხყოფას, რომ წერა კითხვა არ იცი მეთქი, მაგრამ გირჩევ გადახედო შენს წინა პოსტებს და ისე წერო პასუხები. შეცდომის დაშვება არ არის დიდი უბედურება, შეცდომაში გაჯიუტება და მისი უღირსად დაცვა ეს ცუდია ნამეტანი...

(ციტატა) (ძველმართლმადიდებელი): შენ მეგობარო მემგონი მხედველობა გღალატობს ან არ ხარ გარკვეული ხატწერაში, როგორ გავიგო გაშლილი და ოდნავ მოხრილი? ან მოხრილია ან გაშლილი.

ნუ ფიცხობ მეგობარო, აგერ გასწავლი, როგორაა გაშლილი და ოდნავ მოხრილი: გაშალე თითი და მოხარე ოდნავ (ისე რომ მთლიანად არ მოკეცო) აი ასე მიიღებ გაშლილ და ოდნავ მოხრილ თითს სხვათაშორის თქვენსავე ნახსენებ 2 თითით პირჯვრის წერის წესში მეორე თითი არის გაშლილი და ოდნავ მოხრილი იმის ნიშნად, რომ ქრისტემ ცანი მოდრიკა. ეხლა შენ თუ საკუთარი პირჯვრის წერის წესი არ იცი, მე რა ვქნა მითხარი...

(ციტატა) (ძველმართლმადიდებელი): "ტერმინი "ჯვარცმა" კი გამოვიყენე იმისთვის, რომ აგიხსნა, ჯვარცმული იყო ქრისტე და არა სამება. რატომ იწოდება პირჯვრისწერის ეს წესი "ორი თითით" პირჯვრისწერად, აქ ხომ სამი შეკრული თითიც არის, რომელიც წმ. სამების ერთობას გამოხატავს? იმიტომ, რომ ჯვართან მიმართებაში არის ორი და არა სამი თითი".
ამაზე გიპასუხე შენივე წყაროთი, რომელსაც რატომღაც წაუყრუე, ამიტომ გაგიმეორებ: "XII საუკუნის ერთი ბერძენი ამხელს ლათინ მღვდელმთავრებს იმაში, რომ ისინი აკურთხებენ ხუთი თითით, ხოლო პირჯვარს, მონოთელიტთა მსგავსად, იწერენ ერთი თითით, მაშინ, როდესაც თითებით ჯვრის ნიშის გამოხატვისას ისე უნდა იყოს განლაგებული, რომ მით აღინიშნებოდეს ქრისტეს ორი ბუნება და ღვთაების სამი იპოსტასი".

ანუ რაო, თითებით ჯვრის ნიშის გამოსახვისას (უფრო მარტივად ,ჯვართან მიმართებაში) უნდა იყოს ქრისტეს 2 ბუნება და სამებაც, რაც შეეხება ჯვარცმას (თავად პირჯვრის წერის წესი გამოხატავს, რომ ვაღიარებთ ქრისტეს ჯვარცმას). გარდა ამისა, სრულიად არასწორია იმის თქმა, რომ ჯვარს ვიწერთ მხოლოდ 2 თითით, შენს მიერვე მოყვანილ წყაროში განმარტებულია, რომ პირჯვრის წერაში მოიაზრება არა მხოლოდ 2 თითი, არამედ მთლიანად მარჯვენა მკლავიც კი, ა ბატონო:

(ციტატა) (ძველმართლმადიდებელი): ბერი პეტრე დამასკელი, რომელიც ცხოვრობდა XII საუკუნეში (თუმცა ზოგიერთის მტკიცებით ის ცხოვრობდა უფრო ადრე), ამბობს, რომ პირჯვრის წერისას, ორი თითი და ერთი მკლავი ხელისა წარმოაჩენენ ჩვენს ჯვარცმულ უფალს იესუ ქრისტეს, რომელმაც ერთ იპოსტასში შეაერთა ორი ბუნება... რა არ მჯერა და რას ამტკიცებენ ჩემს მიერ დამოწმებული წყაროები? იმ სისულელეს, რასაც სამი თითით პირჯვრისწერა ჰქვია? სად ნახეთ ასეთი მოწმობა?".
პირველ რიგში, კორექტულად, შენ ჩემს რწმენას აყენებ შეურაცხყოფას... მეორეც, გიმეორებ, შენი მოყვანილი წყაროები ამტკიცებენ, რომ:

1) ჯვრის ნიშთან მიმართებაში სიმბოლური დატვირთვა აქვს არა მხოლოდ 2 თითს, არამედ დანარჩენ სამსაც და მთლიანად მარჯვენა მკლავს;

2) არ არსებობს წყარო, რომელიც სამი თითით პირჯვრის წერას გმობდეს და განმარტავდეს მას როგორც სამების ჯვარცმას (ღმერთო შემინდე).

აქედან გამომდინარე, მცდარია შენი მოსაზრება, სამი თითით პირჯვრის წერის "მკრეხელობის" შესახებ ზემოთ მოყვანილი მოტივით. სხვა არგუმენტი კი ამ წესის "მკრეხელობისა", შენ არ მოგიყვანია. დანარჩენს მერე მოგწერ...

ძველმართლმადიდებელი - ძველი ქართული მინანქრული ხატები ორთითიანი წყობით.

 







ქართული ფერწერული ხატები ორთითიანი წყობით:



ყოვლადწმიდა ღვთისმშობლის ქართული ხატი



ღირ. პიმენი დაღესტნის განმანათლებელი და ანტონ მესხი



ოთხთავი. ჭედური ხატი. სვანეთი. X-XI ს



მაცხოვრის ხატი XIIIს. წმ. ბარბარეს სახ. ეკლესია. სვანეთი




წმ. ათანასე და წმ. გრიგოლი 1040 წ.



სურ. № 26. წმ. იოანე მთაწმინდელი



საეკლესიო კალენდრის გარეკანი
(ოფიციალური ეკლესიის გამოცემა

(ციტატა) (sopo...) - "ეს სიტყვები წმ სერაფიმეს არ ეკუთვნის არამედ მის გამომცემელს მოტოვილოვს, ეს ხომ დადასტურებული ფაქტია..."

ძველმართლმადიდებელი - საერთოდ, სერაფიმეს არაფერი არ ეკუთვნის... თავიდან ბოლომდე მოგონილია მისი "სასწაულებიც", "ქადაგებებიც" და "წინასწარმეტყველებანიც".
ყველაფერი მოტოვილოვის დაწერილია!... მოტოვილოვი ყოფილა "წმინდანი"!

sopo... - იიიი как умно...

წმ სერაფიმეს ცხოვრების თუ სასწაულების სხვა უამრავი წყარო არსებობს მოტოვილის გარდა. ჩემს მიერ დადებულ ლინკში კი განხილულია რომ ცალკე მოტოვილოვის ნაშრომებში გვხვდება ეს აზრები და კიდევ სხვა არგუმენტები რაც ცხადყოფს ამას...

მმმმმმ ისე... თუნდაც ეჭვს დონეზე გვრჩებოდეს მაინც რომ მას ეკუთვნის , ასეთი კადნიერება წმინდანის მიმართ რომელიც შეიძლება ცილისწამებაც აღმოჩნდეს რეალურად, სერიოზულად არასწორი მგონია.

არვიცი ცოტა საფრთხილო საკითხი კია... წმინდანების ცხოვრებაში ხომაა აღწერილი ადამიანების მიერ წმინდანთა შეურაცხყოფისთვის მოწევნული სასჯელები...

(ციტატა) (ძველმართლმადიდებელი): მე არაფერი განმიმარტავს, - განმარტავენ ძველი მართლმადიდებელი მამები (არასწორი პირჯვრისსაწერი თითების ფორმულის შეჩვენება მე არ მიმიღია და არ დამიმკვიდრებია ეკლესიაში), გაჩვენეთ ზოგიერთი მამის განმარტებაც (მაგ. პეტრე დამასკელის, წმ. პატრ. იობის), გაჩვენეთ ისტორიული მაგალითები, ასევე მაგალითი პატერიკიდან ("ლიმონარი"), დაგიმოწმეთ ძველი ხატები (კიდევ ბევრს დაგიმოწმებთ). და კიდევ, იმ პრინციპით რომ იცვლებოდეს მართლმადიდებლური წესი, რომ მწვალებლებიც მისდევენ მას, მაგრამ სხვა შინაარსს დებენ მასში, მაშინ თვით სამი თითით პირჯვრისწერის წესიც შესაცვლელი იქნება (და ბევრი სხვა რამეც მართლმადიდებლური პრაქტიკიდან), რადგან უნიატი "მართლმადიდებლები", რომლებიც უცილობლივ აღიარებენ რომის პაპის პრიმატს და სწავლებას სულიწმიდის ძისგან გამომავლობის შესახებ, ცხადია ამ მწვალებლობას ("ფილიოკვეს") მოიაზრებენ თავიანთ სამ თითში. რაღა უნდა ვქნათ ამ შემთხვევაში? ამიტომაც მოდი, დავანებოთ თავი ამ სხვაგან გადასვლებს და პირდაპირ ვაღიაროთ, რომ სამი თითით პირჯვრისწერის შემოტანა იყო შეცდომა და ყველა მართლმადიდებელი უნდა დაუბრუნდეს თავის ბუნებრივ, ძველ და ჭეშმარიტად მართლმადიდებლურ წესს - ორი თითითი პირჯვრისწერას.

sopo... - კათოლიკეები მარცხნიდან მარჯვნივ იწერენ პირჯვარს განსხვავება ხომ არის. ზევით წმ მამების განმარტებებში ჩანს რომ აუცილებლად უნდა გამოვხატოთ პირჯვრისწერით სამება და ორი ბუნების აღიარება, ეს ხომ არ დარღვეულა, და ამაზე საეკლესო კანონს სამი თითი პირჯვრისწერაზე თქვენ არ აღიარებთ. პირჯვრის გადაწერით ვაღიარებთ ორბუნებას ქრისტესას, ვადიდებთ სამებას, და ჯვრის ცხოველსმყოფელი ძალის მფარველობას ვითხოვთთ სამებისგან, ანუ მამის ძის და სულიწმინდის სახელით, როგორც ქრისტემ გაუშვა მოციქულები წარმართების დამოსაწაფებლად.. ჩვენს აღმსარებლობას ქრისტეს მოწაფეობას გამოვხატავთ. თქვენს მიერ მოყვანილი მონოფიზიტთა წესგანგება და პატრიარქი იობის წერილი ეს ეკლესიის პოზიციაა, სახარება და სამოციქულო ხომ არა, რომელიც შეიცვალა ისევ ეკლესიის მიერ, ადრე კანონი ეპისკოპოსის მიერ ცოლის მოყვანას ითვალისწინებდა ეხლა შე იცვალა არაა ნებადართული, ანუ საეკლესიო კანონები იცვლება. და თუ მაინც ვფიქრობთ რომ, და გიწერიათ ზევით რომ სამი თითით შემოტანა იყო შეცდომა, ასეთი დამოკიდებულება მესმის, - ანუ ეკლსიის წიაღში დარჩენა და ანალიზი და დიალოგი, რომელი ფორმაა სწორი , ანუ იმის თქმა მინდა ასეთი მკვეთრი ფორმა გამოყოფა და დაუმორჩილებლობაა გაუგებარი...

damiane80 - (ციტატა) (ძველმართლმადიდებელი): "რაც შეეხება ჩემს სიტყვებს "ჯვართან მიმართება", ან "ჯვარცმა", ეს არის ჩემი განმარტება". კი ეს შენი განმარტებაა და ასევე შენ კალამს ეკუთვნის ეს განმარტებებიც: "და აი, ასე შეურაცხყოფთ წმიდა სამებას! პეშვით იწერთ პირჯვარს და არც გრცხვენიათ!... თქვენს პირჯვრისწერასა და ხინკალზე წიწაკის მოსაყრელ თითების კომბინაციებს შორის განსხვავება არ არის!"

"ყოჩაღ", "ბრავო" მერე იტყვი, შეურაცხყოფებს მაყენებენ და პროვოკაციებს მიწყობენო, თვითონ კიდე ნახე რა ამბავში ხარ... შენ ხო იცი, რომ სამი შეერთებული თითით ჩვენ სამებას გამოვსახავთ, შენ კიდე ამ წესს რასაც ადარებ ზემოთ ჩანს, ხოდა ღმერმა განსაჯოს ვინ შეურაცხყოფს უფალს შენ თუ მე, და ღმერმა შეგინდოს და გაპატიოს ეგ უგნურება...

(ციტატა) (ძველმართლმადიდებელი): "ამ გრძელ ტირადას არ შემიძლია არ ვუპასუხო რეპლიკით: დიდება ღმერთს! როგორც იქნა აღიარე, რომ XI-XII საუკუნეებში სამი თითით პირჯვრისწერა არ არსებობდა (არსენ იყალთოელი ცხოვრობდა ამ საუკუნეების მიჯნაზე)".